సూపర్ స్టార్ మహేష్ బాబు, మాటల మాంత్రికుడు త్రివిక్రమ్ శ్రీనివాస్ మంచి మిత్రులు. వీరి కాంబినేషన్లో వచ్చిన మొదటి సినిమా అతడు ప్రిన్స్ కెరీర్ గ్రాఫ్ ని అమాంతం పెంచింది. రెండో చిత్రం ఖలేజా ఆశించినంత విజయం సాధించకపోయినా ఇందులో త్రివిక్రమ్ మహేష్ కామెడీ యాంగిల్ ని ఆవిష్కరించారు. అందుకే సూపర్ స్టార్ కి మాటల మాంత్రికుడు అంటే ఇష్టం. మళ్లీ ఈ డైరక్టర్ తో సినిమా చేయాలనీ మహేష్ ఎప్పటినుంచో అనుకుంటున్నారు.
రీసెంట్ గా త్రివిక్రమ్ ప్రిన్స్ కి ఒక కథ చెప్పారని, అందుకు ఆయన ఎస్ కానీ, నో కానీ చెప్పలేదని సమాచారం. డైరక్టర్ కి కొంత భాధ కలిగినా మహేష్ పై గౌరవంతో మౌనంగా తిరిగివచ్చారనే సంగతి ప్రస్తుతం ఫిల్మ్ నగర్లో చక్కర్లు కొడుతోంది. ఇంకా సూపర్ స్టార్ నిర్ణయం కోసం ఎదురుచూస్తున్నారని తెలిసింది. అయితే ఇందులో మరో ట్విస్ట్ ఏమిటంటే .. ఈ కథ యంగ్ టైగర్ ఎన్టీఆర్ కి భలే నచ్చిందంట. ఆ కథ తనకి ఇవ్వమని అడుగుతున్నారంట. మరి త్రివిక్రమ్ ఏ నిర్ణయం తీసుకుంటారో..!
