త్రివిక్రమ్, పవన్ మూవీలో అత్తగా అలనాటి బ్యూటీ

అత్తారింటికి దారేది..ఈ చిత్రం పేరు వినగానే పవర్ స్టార్ పవన్ కళ్యాణ్, డైరక్టర్ త్రివిక్రమ్ శ్రీనివాస్ తర్వాత  వెంటనే గుర్తు వచ్చే పేరు నదియా. ఇందులో హీరోయిన్ గా నటించిన సమంత కంటే పవన్ కి అత్తగా నటించిన నదియా కే మంచి పేరు వచ్చింది. అలా అత్త పాత్ర అందరి మెప్పుపొందేలా చిత్రీకరించడంలో త్రివిక్రమ్ సక్సస్ అయ్యారు. మరో సారి అత్త పాత్రతో మ్యాజిక్ చేయడానికి మాటల మాంత్రికుడు సిద్ధమయ్యారు. పవన్ కళ్యాణ్ తో ఆయన చేయనున్న తాజా ప్రాజెక్ట్ లో అత్త పాత్ర కీలకం కానుంది.

అందుకే ఆ క్యారెక్టర్ కి సూటయ్యే నటిని ఎంపికచేశారు. పదేళ్ల క్రితం టాలీవుడ్, కోలీవుడ్ ప్రేక్షకులను తన అందం, అభినయం తో ఆకట్టుకున్నహీరోయిన్ ఖుష్బూ ని పవన్ కళ్యాణ్ అత్తగా నటింపచేసేందుకు చిత్ర బృందం రెడీ అయింది. త్రివిక్రమ్ సినిమా అనగానే వల్గారిటీ ఉండదని భావించి ఎంతో సంతోషంగా అత్త పాత్ర వేయడానికి  ఖుష్బూ ఒప్పుకున్నట్లు తెలిసింది. దేవుడే దిగివచ్చినా.. అనే పేరుతో తెరకెక్కనున్న ఈ మూవీ ఈ నెలలో సెట్స్ మీదకు వెళ్లనుంది.