నేచురల్ స్టార్ నాని హీరోగా శివ నిర్వాణ దర్శకత్వంలో తెరకెక్కుతున్న ‘టక్ జగదీష్’ చిత్రం జూలై 30న విడుదల కాబోతున్నట్టు గత నాలుగైదు రోజులుగా ప్రచారం జరుగుతుంది. అదే రోజున సత్యదేవ్ ‘తిమ్మరుసు’ చిత్రం విడుదలవుతున్నట్టు.. ఆ చిత్రం యూనిట్ సభ్యులు ముందుగానే ప్రకటించారు. అయితే అనూహ్యంగా నాని ‘టక్ జగదీష్’ కూడా అదే రోజున థియేటర్లకు రాబోతున్నట్టు వార్తలు రావడంతో ఆ చిత్రం యూనిట్ సభ్యుల్లో టెన్షన్ మొదలైంది. అయితే ‘టక్ జగదీష్’ రిలీజ్ పై వస్తున్న వార్తలన్నీ ఫేక్ అని చిత్ర యూనిట్ సభ్యులు తేల్చి చెప్పేసారు.
‘దయచేసి ‘టక్ జగదీష్’ విడుదల తేదీ పై వస్తున్న వార్తలను నమ్మకండి. మా సినిమా థియేటర్లలోనే విడుదలవుతుంది. త్వరలోనే విడుదల తేదీని అధికారికంగా ప్రకటిస్తాము’ అంటూ క్లారిటీ ఇచ్చారు. థియేటర్లు రన్ చేసుకోవడానికి ప్రభుత్వం నుండీ అనుమతులు లభించినా… ఇంకా ఏపిలో నైట్ కర్ఫ్యూ రన్ అవుతుంది. కాబట్టి థియేటర్లు పూర్తిగా తెరుచుకోలేదు. అందుకే నిర్మాతలు రిలీజ్ డేట్ ఇంకా ప్రకటించలేదని స్పష్టమవుతుంది.
ఇక ‘మజిలీ’ నిర్మాతలైన ‘షైన్ క్రియేషన్స్’ సంస్థ అధినేతలు… హరీష్ పెద్ది, సాహు గరపాటి కలిసి ఈ చిత్రాన్ని నిర్మిస్తున్నారు. రీతూ వర్మ, ఐశ్వర్య రాజేష్ లు హీరోయిన్లుగా నటిస్తున్నారు. జగపతి బాబు కూడా ఈ చిత్రంలో హీరో నానికి అన్నయ్య పాత్రలో కనిపించబోతుండడం విశేషం. గతంలో నాని-శివ నిర్వాణ కాంబినేషన్లో తెరకెక్కిన ‘నిన్ను కోరి’ చిత్రం సూపర్ హిట్ అవ్వడంతో ‘టక్ జగదీష్’ పై కూడా మంచి అంచనాలు నెలకొన్నాయి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
