ప్రముఖ కొరియోగ్రాఫర్‌ జానీ మాస్టర్(Jani Master).. గత కొన్ని రోజులుగా ఓ విషయం కారణంగా టాక్‌ ఆఫ్ ది మీడియాగా ఉన్నారు. అలాంటాయన నిన్న మధ్యహ్నం ఓ ట్వీట్‌ చేశారు. దాని బట్టి చూస్తే.. నిజం ఇంకా తేలాల్సి ఉంది. అప్పుడే మీరు ఏదేదో అనేసుకోవద్దు. నిజం తేలనివ్వండి ఫస్ట్‌ అనే అర్థం వచ్చేలా రాసుకొచ్చారు. అప్పుడు ఏమైందో అర్థం కాలేదు కానీ.. ఆ తర్వాత ఆయన మాటల వెనుక ఉన్న విషయంపై క్లారిటీ వచ్చింది. ఇంతకీ ఏమైందంటే?
Laiగిక వేధింపుల ఆరోపణల నేపథ్యంలో జానీ మాస్టర్ కొన్ని నెలల క్రితం అరెస్టు అయి, జైలులో ఉండి ప్రస్తుతం బెయిల్‌ మీద బయట ఉన్నారు. ఈ క్రమంలో ఆయన మీద మరోసారి ఆరోపణలు చేస్తూ ఆ బాధితురాలు (కేసు తేలకపోవడంతో అలానే పిలవాలి) మీడియా ముందుకు వచ్చింది. ముసుగేసుకొని ఇక మాట్లాడను.. డైరెక్ట్‌గా మాట్లాడతా అంటూ జానీ మాస్టర్ మీద తన కోపానికి కారణాన్ని చెప్పుకొచ్చారు. ఇదిలా ఉండగా.. మరో కేసు విషయంలో కోర్టులో విచారణ జరిగింది.
జానీ మాస్టర్ – అసిస్టెంట్‌ కొరియోగ్రాఫర్‌ మధ్య జరిగిన వ్యవహారానికి సంబంధించి.. ఆ బాధితురాలలు ఫిర్యాదు మేరకు ఫిలిం ఛాంబర్స్ ఆఫ్ కామర్స్ ఒక కేసు పెట్టింది. దీన్ని సవాలు చేస్తూ జానీ మాస్టర్ పిటిషన్ వేశారు. అయితే ఈ పిటిషన్‌ను కొట్టేసినట్లు ఫిలిం ఛాంబర్ ప్రతినిధిగా నటి ఝాన్సీ సోషల్ మీడియాలో ఓ పోస్టు పెట్టారు. జాన్సీ (Jhansi) పోస్ట్ అబద్ధమంటూ జానీ మాస్టర్ ఎక్స్‌ అకౌంట్‌లో ఒక పోస్టు పెట్టారు. దీంతో ఎవరి వాదన కరెక్ట్ అనే చర్చ మొదలైంది.
ఫిలిం ఛాంబర్ ఆఫ్ కామర్స్ వేసిన కేసుపై సవాల్ చేస్తూ జిల్లా కోర్టులో జానీ మాస్టర్ వేసిన మధ్యంతర పిటిషన్‌ను కోర్టు కొట్టి వేసింది. ఇది చాలా ముఖ్యమైన తీర్పు. టాలీవుడ్‌లో పని చేసే ప్రదేశాలలో మహిళల భద్రతకు ప్రాధాన్యం ఉంటుంది అని, పోష్‌ (Posh) మార్గదర్శకాలను అమలు చేసే సంస్థలకు ఎప్పుడూ మద్దతు ఉంటుందని రుజువైంది అని జాన్సీ రాసుకొచ్చారు.
కోర్టు ఆర్డర్ల‌పైనాతప్పుడు ప్రచారాలు చేసేవారిని చూస్తుంటే జాలేస్తోంది. నాకు తెలియకుండా జరిగిన డ్యాన్సర్‌ల యూనియన్ అధ్యక్షుడి ఎన్నికల గురించి నేను పెట్టిన కేసు విసయంలో వచ్చిన తీర్పుని మీకు అనుకూలంగా, నచ్చినట్టుగా మార్చి మరో కేసుతో ముడిపెట్టి పోస్టులు పెడుతున్నారు. ఎప్పటికైనా న్యాయమే గెలుస్తుంది, నిజం అందరికీ తెలుస్తుంది అని జానీ మాస్టర్ తన పోస్ట్‌లో పేర్కొన్నారు.
తమ సొంత లాభం కోసం కోర్టు ఆర్డర్ల పై కూడా తప్పుడు ప్రచారాలు చేసేవారిని చూస్తుంటే జాలేస్తుంది.
ముందస్తుగా నాకు తెలియకుండా జరిగిన యునియన్ ప్రెసిడెంట్ ఎలక్షన్స్ గురించి నేను పెట్టిన కేసుకి సంబంధించి వచ్చిన తీర్పుని మీకు అనుకూలంగా, నచ్చినట్టుగా మార్చి మరో కేసుతో ముడిపెట్టి పోస్టులు…
— Jani Master (@AlwaysJani) January 29, 2025
Home