Mahesh Babu: మహేష్ మూవీలో మరో సీనియర్ హీరో!

మహేష్ బాబు హీరోగా పరశురామ్ డైరెక్షన్ లో తెరకెక్కుతున్న సర్కారు వారి పాట సినిమాలో సముద్రఖని విలన్ గా నటిస్తున్నారు. 2022 సంవత్సరం సంక్రాంతి కానుకగా జనవరి 13వ తేదీన ఈ సినిమా రిలీజ్ కానుండగా ఈ సినిమాపై భారీగా అంచనాలు నెలకొన్నాయి. ఈ సినిమాలో మరో కీలక పాత్రలో జగపతిబాబు నటిస్తున్నారని తెలుస్తోంది. జగపతి బాబు పాత్ర కూడా నెగిటివ్ షేడ్స్ తో ఉంటుందని ప్రచారం జరుగుతోంది. వైరల్ అవుతున్న వార్త వల్ల సర్కారు వారి పాట సినిమాలో విలన్ ఒక్కరా?

లేక ఇద్దరా? అనే సందేహాలు వ్యక్తమవుతున్నాయి. ఇప్పటికే మహేష్ బాబు జగపతి బాబు కాంబినేషన్ లో వచ్చిన శ్రీమంతుడు బ్లాక్ బస్టర్ హిట్ మూవీగా నిలిచింది. అయితే జగపతి బాబు ఈ సినిమాలో నటిస్తున్నట్టు అధికారిక ప్రకటన రావాల్సి ఉంది. కొన్నిరోజుల క్రితం అర్జున్ ఈ సినిమాలో కీలక పాత్రలో నటిస్తున్నట్టు వార్తలు వచ్చాయి. అయితే అర్జున్ స్థానంలో జగపతిబాబును ఎంపిక చేసినట్టు ఇండస్ట్రీ వర్గాల్లో వినిపిస్తోంది.

జగపతి బాబు పోలీస్ గా కనిపిస్తారని ఆయన పాత్ర పవర్ ఫుల్ గా ఉంటుందని సమాచారం. సినిమాలోని ప్రతి పాత్ర కథకు లింక్ అయ్యి ఉంటుందని తెలుస్తోంది. మహేష్ పుట్టినరోజు సందర్భంగా ఈ సినిమా నుంచి టీజర్ రిలీజయ్యే అవకాశాలు ఉన్నాయని వార్తలు వస్తున్నాయి. అదే రోజున మహేష్ త్రివిక్రమ్ సినిమాకు సంబంధించిన అప్ డేట్ కూడా వచ్చే అవకాశాలు కనిపిస్తున్నాయి.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!