RJ Kajal: ‘బిగ్ బాస్5’ ఆర్.జె.కాజల్ గురించి ఈ 11 విషయాలు మీకు తెలుసా..!

‘బిగ్ బాస్5’ లో 17వ కంటెస్టెంట్ గా ఎంట్రీ ఇచ్చింది ఆర్.జె.కాజల్. వివిధ రంగాల్లో ప్రసిద్ధి చెందిన వారినే ఈ షోలో కంటెస్టెంట్లుగా తీసుకొస్తారు నిర్వాహకులు అన్న సంగతి తెలిసిందే. కాగా డబ్బింగ్ ఆర్టిస్ట్ కేటగిరీలో ఆర్.కె.కాజల్ ను తీసుకొచ్చారు.ఆర్జేగా, యూట్యూబర్ గా ఈమె చాలా ఫేమస్. కొద్దిరోజుల నుండీ తన యూట్యూబ్ ఛానల్ లో సెలబ్రిటీలని ఇంటర్య్వూస్ చేస్తూ మరింత ఫేమస్ అయ్యింది. ఈమె గురించి మీకు తెలియని కొన్ని విషయాలు :

• ఈమె అసలు పేరు రహిమునిస్సా మెహ్ సబీనా. ఈమె విజయవాడలో పుట్టి పెరిగింది.ఈమె ముస్లిం ఫ్యామిలీకి చెందిన అమ్మాయి. ఈమె తండ్రి ఓ రైల్వే డ్రైవర్. ప్రస్తుతం ఆయన రిటైర్డ్. మదర్ హౌస్ వైఫ్. వీరికి ముగ్గురు ఆడపిల్లలు. ఆర్.జె.కాజల్ మూడవ అమ్మాయి.

•  ఈమె ఎం.ఎస్.సి మైక్రో బియాలోజి చదువుకుంది.ఈమె చిన కూతురు కావడంతో ఈమె తల్లిదండ్రులు ఈమెను మరింత ప్రేమగా పెంచుకున్నారని ఓ సందర్భంలో చెప్పుకొచ్చింది కాజల్.

• చిన్నప్పటి నుండీ ఈమెకు సింగింగ్ బాగా ఇంట్రెస్ట్.చదువుకొనే రోజుల నుండీ పాటలు పడుతూ ఉండేది. ఈమె స్కూల్ లో జరిగే వేడుకల్లో పాటలు పాడి అందరినీ అలరించేది.

• కొన్నాళ్ల తర్వాత ఈమె ఒక హిందూ కుటుంబానికి చెందిన అబ్బాయిని ప్రేమించి పెళ్లి చేసుకుంది. కొంత వ్యతిరేకత నెలకొన్నప్పటికీ ఇప్పుడంతా సెట్ అయ్యింది.

• ఈమె పెళ్లి చేసుకున్న కొత్తలోనే.. కృష్ణ అనే వ్యక్తి రిఫరెన్స్ ద్వారా విజయవాడ ఎఫ్.ఎంలో ఆడిషన్ ఇచ్చింది. అటు తర్వాత ఆ సంస్థ హైదరాబాద్ కు ఈమెను ట్రాన్స్ఫర్ చేయడం జరిగింది.ఎన్నో ఒడుదుడుకులు ఎదుర్కొని ఆర్.జె గా మంచి పొజిషన్ కు చేరుకుంది.

• ‘నిన్ను కలిశాక’ అనే చిత్రం ద్వారా ఈమె డబ్బింగ్ ఆర్టిస్ట్ గా మారింది.అటు తర్వాత భూమిక నిర్మాణంలో రూపొందిన ‘తకిట తకిట’ సినిమాలో కూడా హీరోయిన్ పాత్రకి డబ్బింగ్ చెప్పే అవకాశాన్ని దక్కించుకుంది.

• డబ్బింగ్ ఆర్టిస్ట్ గా ఈమె 100కి పైగా సినిమాల్లో హీరోయిన్లకు డబ్బింగ్ చెప్పింది. ‘అవును’ ‘అవును2’ లో హీరోయిన్ పూర్ణకి డబ్బింగ్ చెప్పింది. ‘దిక్కులు చూడకు రామయ్య’ ‘సావిత్రి’ వంటి సినిమాల్లో హీరోయిన్లకు డబ్బింగ్ చెప్పింది కూడా ఈమెనే.

•  ‘ఝుమ్మంది నాదం’ అనే సినిమాలో ఒక 30 సెకండ్ల పాటు ఈమె కనిపిస్తుంది.క్లైమాక్స్ లో విన్నర్ ను ప్రకటించే టైములో ఈమె కనిపిస్తుంది.

• దాదాపు 14 ఏళ్ళ నుండీ ఈమె ఇండస్ట్రీలో ఉంది.ఈమెకు ఇష్టమైన హీరో సూర్య. ఇష్టమైన హీరోయిన్ తమన్నా.తమన్నా నటించిన ‘100% లవ్’ సినిమాలో నాగ చైతన్య పి.ఎ గా ఓ అమ్మాయి కనిపిస్తుంది. ఆమెకు డబ్బింగ్ చెప్పింది మన కాజలే.

•  ఈమె చిన్నప్పటి నుండీ హిందీ బిగ్ బాస్ కు పెద్ద ఫ్యాన్. అప్పటి నుండీ ఈ షోకి వెళ్లాలని ఆమె ఆశ. ఈమె తండ్రి మాత్రం ఆ షో అంటే మొదట మండిపడేవారట. కానీ తర్వాత ఆయనకి కూడా ఈ షో పై ఇష్టం పెరిగిందట.

•  ఇన్నేళ్ళ తర్వాత ఆమెకు ‘బిగ్ బాస్5’ లో అవకాశం లభించడం పై సంతోషం వ్యక్తం చేస్తుంది.