మెగా పవర్ స్టార్ రామ్ చరణ్ ని అందరూ ముద్దుగా చెర్రీ అని పిలుచుకుంటారు. ఇది అందరికీ తెలిసిందే. అతని భార్య ఉపాసన ముద్దు పేరేంటో తెలుసా? ఇప్పటికీ ఎవరికీ తెలియదు. వారిద్దరికీ పెళ్లి జరిగి దాదాపు ఐదేళ్లు అవుతున్నా చరణ్ ఉపాసనను ఎలా పిలుచుకుంటారో బయటికి రాలేదు. తాజాగా ఉపాసన ఫెమీనా ఉమెన్స్ అవార్డ్ అందుకోవడంతో ఆమె ముద్దు పేరు అందరికీ తెలిసింది. తాను అవార్డు అందుకున్న విషయాన్నీ ఉపాసన ఫేస్బుక్ ద్వారా తెలిపారు.
ఈ ఫొటోను రామ్ చరణ్ ఫేస్బుక్లో షేర్ చేస్తూ.. ‘నిన్ను చూస్తుంటే గర్వంగా ఉంది ఉప్సి’ అన్నారు. దీనికి ఉపాసన.. ‘థ్యాంక్యూ మై లవ్. నీ సపోర్ట్ లేకుండా నేను ఇది సాధించేదాన్ని కాదు’ అని పోస్ట్ చేశారు. వీరిద్దరి చాటింగ్ ద్వారా ఉపాసనను చెర్రీ ముద్దుగా ఉప్సి అని పిలుచుకుంటారనే విషయం తెలిసింది. ఉపాసన ఫెమీనా ఉమెన్స్ అవార్డ్ సందర్భంగా సోషల్ మీడియా వేదికపై మెగా అభిమానులు ఆమెకు శుభాకాంక్షలు చెప్పారు.
Also, do SUBSCRIBE to our YouTube channel to get latest Tollywood updates.
