Varun Tej : ‘బరి’ లోకి దిగి వరుణ్ తేజ్ రిస్క్ చేస్తున్నాడా ?

‘ముకుంద’ చిత్రంతో టాలీవుడ్లోకి ఎంట్రీ ఇచ్చి, మెగా ప్రిన్స్‌గా ఇండస్ట్రీలో గుర్తింపు సంపాదించుకున్న హీరో వరుణ్ తేజ్. ఇప్పుడు మరో కొత్త ప్రయోగంతో ప్రేక్షకుల ముందుకు రానున్నాడు. ఇప్పటికే బాక్సింగ్ నేపథ్యంతో ‘గని’, ఎయిర్ ఫోర్స్ డ్రామాగా ‘ఆపరేషన్ వాలెంటైన్’, అలాగే గ్యాంగ్‌స్టర్ షేడ్స్‌తో ‘మట్కా’ వంటి విభిన్న కథలను ప్రయత్నించిన ఆయనకు ఆశించిన ఫలితాలు మాత్రం దక్కలేదు. ఇప్పుడు అదే రిస్క్‌ను కొనసాగిస్తూ, వాలీబాల్ స్పోర్ట్స్ డ్రామాతో ‘బరి’ అనే సినిమా ద్వారా మరోసారి తన అదృష్టాన్ని పరీక్షించుకోబోతున్నాడు.

Varun Tej

ఈ చిత్రాన్ని ‘కమిటీ కుర్రోళ్లు’తో మంచి గుర్తింపు తెచ్చుకున్న దర్శకుడు యదు వంశి తెరకెక్కిస్తుండగా, వరుణ్ సోదరి నిహారిక తన సొంత బ్యానర్‌లో నిర్మిస్తున్నారు. సినిమా లాంచ్‌ కు బాబాయ్ పవర్ స్టార్ పవన్ కళ్యాణ్ క్లాప్ ఇవ్వడంతో గ్రాండ్‌గా ప్రారంభించారు. ఫ్యామిలీ సపోర్ట్‌తో వస్తున్న ఈ ప్రాజెక్ట్‌పై అంచనాలు ఉన్నప్పటికీ, ఫలితం విషయంలో మాత్రం ఫ్యాన్స్‌లో కొంత అనుమానం కనిపిస్తోంది.

వరుస ఫ్లాప్‌లతో సక్సెస్ దూరంగా ఉండటంతో, పెద్ద డైరెక్టర్ల నుంచి అవకాశాలు తగ్గిపోయాయనే టాక్ ఇండస్ట్రీలో వినిపిస్తోంది. ఈ నేపథ్యంలో ఒక మంచి హిట్ ఇచ్చిన దర్శకుడితోనైనా తిరిగి ట్రాక్‌లోకి రావాలనే ఆలోచనతో ఈ సినిమా ఓకే చేశాడని చెబుతున్నారు. ఇక వాలీబాల్ ప్లేయర్ పాత్ర కోసం వరుణ్ మళ్లీ తన బాడీపై ప్రత్యేక శ్రద్ధ తీసుకుంటున్నాడు. అథ్లెట్ లుక్ కోసం కఠినంగా ట్రైనింగ్ తీసుకుంటున్నాడట.

అయితే సోషల్ మీడియాలో మాత్రం సెటైర్లు ఆగడం లేదు. గత అనుభవాల దృష్ట్యా, కేవలం ఫిజికల్ ట్రాన్స్‌ఫర్మేషన్ సరిపోదని, కథలో బలమైన కంటెంట్ ఉండాలని అభిమానులు ఆశిస్తున్నారు. ఇక ఈ సినిమాను వచ్చే సంక్రాంతి రేసులో రిలీజ్ చేయాలని ప్లాన్ చేస్తున్నారని సమాచారం. సంక్రాంతి అంటే పెద్ద హీరోల మధ్య గట్టి పోటీ ఉండే సమయం. అలాంటి సీజన్‌లో స్పోర్ట్స్ డ్రామాతో రావడం వరుణ్‌కు పెద్ద ఛాలెంజ్‌గానే భావిస్తున్నారు.

మొత్తానికి, ‘బరి’ సినిమా వరుణ్ తేజ్ కెరీర్‌కు టర్నింగ్ పాయింట్ అవుతుందా? లేక మరో ప్రయోగంగా మిగిలిపోతుందా? అన్నది చూడాలి. వాలీబాల్ కోర్టులో స్మాష్‌లు కొట్టినట్టే, బాక్సాఫీస్ వద్ద కూడా హిట్ కొట్టగలడా లేదా అని మెగా అభిమానులు చర్చించుకుంటున్నారు.

Rishab Shetty : రుక్మిణి ని అన్ ఫాలో చేసిన రిషబ్… అసలు ఏం జరుగుతోంది ?