Venkatesh: టాక్ షోకు హోస్ట్ గా వెంకటేష్.. కానీ?

టాలీవుడ్ స్టార్ హీరోలలో ఒకరైన బాలకృష్ణ తన ప్రతిభతో అన్ స్టాపబుల్ షోను ఊహించని స్థాయిలో హిట్ చేశారు. అన్ స్టాపబుల్ విత్ ఎన్బీకే సీజన్1 చివరి ఎపిసోడ్ ఈ నెల 28వ తేదీన ప్రసారం కానుంది. ఈ ఎపిసోడ్ మహేష్ బాబు గెస్ట్ గా హాజరైన ఎపిసోడ్ అని సమాచారం. ఈ ఎపిసోడ్ లో బాలయ్య మహేష్ బాబుకు సంబంధించిన ఎలాంటి సీక్రెట్స్ ను బయటపెడతారో చూడాల్సి ఉంది. అన్ స్టాపబుల్ సీజన్1 ముగియనున్న నేపథ్యంలో ఆహాలో మరో టాక్ షో మొదలుకానుందని తెలుస్తోంది.

ఈ టాక్ షోకు విక్టరీ వెంకటేష్ హోస్ట్ గా వ్యవహరించే అవకాశాలు ఉన్నాయని సమాచారం. వెంకటేష్ ను ఒప్పించటానికి స్వయంగా అల్లు అరవింద్ రంగంలోకి దిగారని వెంకటేష్ ఈ షోకు ఓకే చెప్పే అవకాశాలు అయితే ఎక్కువగానే ఉన్నాయని సమాచారం అందుతోంది. బాలయ్య షో ముగియగానే వెంకీ ఎంట్రీ ఇస్తారని కామెంట్లు వినిపిస్తున్నాయి. ప్రస్తుతం వెంకటేష్ ఎఫ్3 సినిమాతో బిజీగా ఉన్నారు.

ఏప్రిల్ నెల 29వ తేదీన ఎఫ్3 సినిమా థియేటర్లలో రిలీజ్ కానుంది. ఈ సినిమాతో పాటు వెంకటేష్ రానాతో కలిసి ఒక వెబ్ సిరీస్ లో నటిస్తున్నారు. వెంకటేష్ కొత్త సినిమాలకు సంబంధించిన ప్రకటన వెలువడాల్సి ఉంది. వెంకటేష్ టాక్ షోకు గ్రీన్ సిగ్నల్ ఇస్తారో లేదో తెలియాలంటే మాత్రం మరికొన్ని రోజులు ఆగాల్సిందే. అన్ స్టాపబుల్ హిట్ కావడంతో ఆహా నిర్వాహకులు టాక్ షోలపై దృష్టి పెడుతున్నారు.

బాలయ్య ఈ టాక్ షో కొరకు 2.5 కోట్ల రూపాయల పారితోషికం తీసుకున్నారు. బాలయ్య రేంజ్ కు ఈ రెమ్యునరేషన్ తక్కువేనని కామెంట్లు వినిపిస్తున్నాయి. ఒక్కో ఎపిసోడ్ కు పాతిక లక్షల రూపాయల చొప్పున బాలయ్యకు రెమ్యునరేషన్ గా దక్కింది. సీజన్ 2కు మాత్రం బాలయ్య రెమ్యునరేషన్ ను భారీగా పెంచే అవకాశాలు ఉన్నాయి. ఈ ఏడాది చివర్లో అన్ స్టాపబుల్ సీజన్2 మొదలయ్యే అవకాశాలు అయితే ఉన్నాయి.

బంగార్రాజు సినిమా రివ్యూ & రేటింగ్!

Most Recommended Video

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!