ఆ యంగ్ డైరెక్టర్ తో వెంకటేష్ నెక్స్ట్.. వర్కౌట్ అవ్వుద్దా..!

విక్టరీ వెంకటేష్ ఇప్పుడు ‘అసురన్’ రీమేక్ లో నటిస్తూ బిజీగా గడుపుతున్నాడు. తమిళంలో సూపర్ హిట్ అయిన ‘అసురన్’ చిత్రాన్ని తెలుగులో ‘నారప్ప’ పేరుతో రీమేక్ చేస్తున్నారు. శ్రీకాంత్ అడ్డాల దర్శకుడు. ఇప్పటికే ఈ చిత్రం 50 శాతం షూటింగ్ ను పూర్తిచేసుకుంది. మే నెలకి మొత్తం షూటింగ్ ను పూర్తిచేసే విధంగా చిత్ర యూనిట్ ప్లాన్ చేసుకున్నారట. ఇక ఈ చిత్రం పూర్తైన తరువాత.. వెంకీ ఏ డైరెక్టర్ తో సినిమా చేస్తాడు అనే డిస్కషన్స్ ప్రస్తుతం ఫిలింనగర్ లో జోరందుకున్నాయి. మొదట త్రినాధ్ రావు నక్కినతో సినిమా చేద్దాం అనుకున్న వెంకటేష్.. స్క్రిప్ట్ తనకి సూటవ్వదని భావించి సున్నితంగా రిజెక్ట్ చేసాడట. దీంతో రవితేజతో ఆ చిత్రాన్ని తెరకెక్కిస్తున్నాడు త్రినాథ్ రావు నక్కిన.

దీంతో విజయ్ దేవరకొండ డైరెక్టర్ కి వెంకటేష్ తన తరువాతి చిత్రాన్ని చేయబోతున్నట్టు ప్రచారం జరుగుతుంది. విజయ్ దేవరకొండతో ‘పెళ్లి చూపులు’ చిత్రాన్ని తెరకెక్కించి బ్లాక్ బస్టర్ అందుకున్న తరుణ్ భాస్కర్.. ఆ తరువాత ‘ఈ నగరానికి ఏమైంది’ తో మరో హిట్ అందుకున్నాడు. ఈ రెండు చిత్రాల్ని ‘సురేష్ ప్రొడక్షన్స్’ వారే రిలీజ్ చేశారు. ఇప్పుడు వెంకీ కోసం ఓ కథని సిద్ధం చేసుకుని అప్రోచ్ అయ్యాడట తరుణ్ భాస్కర్. కథ నచ్చడంతో ఈ ప్రాజెక్ట్ చేయడానికి గ్రీన్ సిగ్నల్ ఇచ్చేశాడట వెంకీ. సురేష్ బాబు ఈ చిత్రాన్ని నిర్మించే అవకాశాలు ఉన్నాయట.

Most Recommended Video

పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!