ఎయిర్ పోర్ట్‌లో వెంకటేష్, రానా, మహేష్ బాబుల డ్రైవ్‌ – ఇన్ థియేటర్ ఎక్కడంటే..?

సినిమా వాళ్లు ఇక్కడ సంపాదించింది వేరే బిజినెసుల్లో ఇన్‌వెస్ట్ చేయడం అనేది మామూలే.. నాగార్జున, రామ్ చరణ్ నుంచి సందీప్ కిషన్ వరకు చాలా మందికి ఇతర వ్యాపారాలు, వ్యాపకాలున్నాయి.. వాటి ద్వారా అదనపు ఆదాయం కూడా వస్తుంటుంది.. సందీప్ కిషన్ వివాహ భోజనంబు పేరిట రెస్టారెంట్స్‌తో పాటు సెలూన్ బిజినెస్ కూడా ఉంది.. రౌడీ స్టార్ విజయ్ దేవరకొండ ఏషియన్ వాళ్లతో ఏవీడీ సినిమాస్, క్లాతింగ్ బ్రాండ్ రన్ చేస్తున్నాడు..

సూపర్ స్టార్ మహేష్ బాబు కూడా ఏషియన్ సంస్థ భాగస్వామ్యంతో ఏఎంబీ సినిమాస్, ఇటీవలే భార్య నమ్రత పేరిట హోటల్ బిజినెస్ స్టార్ట్ చేశారు.. ఇప్పుడు ఏషియన్ సంస్థతో కలిసి మరో థియేటర్ స్టార్ట్ చేయబోతున్నారు మహేష్.. ఇంకో విశేషం ఏంటంటే సూపర్ స్టార్‌తో పాటు.. విక్టరీ వెంకటేష్, రానా దగ్గుబాటి కూడా పార్ట్‌నర్స్.. దీనికి సంబంధించి ఫిలిం వర్గాల్లో చర్చలు జరుగుతున్నాయి.. ఇంతకీ వీళ్లు ఏర్పాటు చేయబోయే ఆ థియేటర్ ఎక్కడో తెలుసా..

శంషాబాద్ ఎయిర్ పోర్ట్‌లో.. అదికూడా డ్రైవ్‌ఇన్ థియేటర్.. లేటెస్ట్ ఫీచర్స్, టెక్నాలజీతో లగ్జీరియస్‌గా విశాలమైన విస్తీర్ణంలో ఏర్పాటు చేయబోయే ఈ థియేటర్‌కి ఏషియన్ క్లాసిక్ పేరు పెట్టారు.. ఇప్పటికే పనులు ప్రారంభమయ్యాయని.. త్వరలో దీనికి సంబంధించిన అధికారిక ప్రకటన ఇవ్వనున్నారని సమాచారం.. ఎప్పటినుంచో డ్రైవ్ ఇన్ థియేటర్ ఏర్పాటు చేయాలని ప్లాన్స్ జరుగుతున్నాయి కానీ ఎవరూ అంత సాహసం చేయలేదు.. కార్లలోనే కూర్చుని సినిమా చూడొచ్చు కాబట్టి పార్కింగ్ కోసం ఎక్కువ స్పేస్ కావాలి..

మరి రద్దీగా ఉండే ఎయిర్ పోర్టులో అలాంటి హాల్ ఎలా కట్టబోతున్నారనేది చర్చనీయాంశంగా మారింది.. ఇక సినిమాల విషయానికొస్తే.. మహేష్, త్రివిక్రమ్‌తో, వెంకటేష్ తన 75వ సినిమా ‘సైంధవ్’ ని ‘హిట్’ ఫేమ్ శైలేష్ కొలనుతో వర్క్ చేస్తున్నారు. రానా – వెంకీ కలిసి ‘రానా నాయుడు’ వెబ్ సిరీస్ చేసిన సంగతి తెలిసిందే. త్వరలో రానా కొత్త మూవీ అనౌన్స్‌మెంట్ రానుంది..

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!