స్టార్ హీరో వెంకటేష్ నటించిన నారప్ప మూవీ అమెజాన్ ప్రైమ్ ఓటీటీలో రిలీజవుతున్న సంగతి తెలిసిందే. చాలామంది హీరోలు ఆలస్యమైనా తమ సినిమాలను థియేటర్లలోనే రిలీజ్ చేస్తామని చెబుతుంటే వెంకటేష్ మాత్రం ప్రస్తుత పరిస్థితుల్లో రిస్క్ తీసుకోకుండా ఓటీటీ రిలీజ్ కు ఆసక్తి చూపారు. అయితే నారప్ప ఓటీటీలోనే ఎందుకు రిలీజవుతుందనే ప్రశ్నకు అలా అడగకూడదని వెంకీ సమాధానమిచ్చారు. కొన్నిసార్లు లైఫ్ ఎలా ఉంటే అలా స్వీకరించాలని ఓటీటీకే ఎందుకు అని అడగకూడదని జీవితంలో తాను ఎందుకు అని ఎప్పుడూ ప్రశ్నించుకోలేదని వెంకటేష్ అన్నారు.
కొన్నిసార్లు సమయాన్ని బట్టి నడుచుకోవాల్సి ఉంటుందని వెంకటేష్ చెప్పుకొచ్చారు. నారప్ప ఓటీటీలో రిలీజవుతూ ఉండటం వల్ల ఫ్యాన్స్ కు క్షమాపణలు చెబుతున్నానని ఓటీటీలో నారప్పను ఆదరించాలని మరో సినిమా థియేటర్లలో వస్తుందని వెంకటేష్ చెప్పుకొచ్చారు. నారప్పను ఓటీటీలో రిలీజ్ చేసే విషయంలో చిన్న బాధ ఉందని అభిమానులు అర్థం చేసుకుంటారని అనుకుంటున్నానని వెంకటేష్ తెలిపారు. నేనేంటో అభిమానులకు తెలుసని అందువల్ల తనపై ఫిర్యాదులు చేయరని భావిస్తున్నానని వెంకటేష్ చెప్పుకొచ్చారు.
ఛాలెంజ్ గా తీసుకొని నారప్ప మూవీ చేశానని అమెజాన్ ప్రైమ్ లో సినిమాను చూసి తన నటన ఎలా ఉందో చెప్పాలని వెంకటేష్ అన్నారు. . ఓటీటీలో నారప్ప మూవీని రిలీజ్ చేయడం ఇష్టం లేదని వెంకటేష్ చెప్పకనే చెప్పేశారు. ఓటీటీలో రిలీజ్ కానున్న నారప్ప ఎలాంటి ఫలితాన్ని అందుకుంటుందో చూడాల్సి ఉంది. ప్రియమణి ఈ సినిమాలో హీరోయిన్ పాత్రలో నటిస్తున్న సంగతి తెలిసిందే.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home