సురేందర్ రెడ్డి టాలీవుడ్ స్టార్ డైరెక్టర్స్ లో ఒకరు. కానీ ఆ విషయాన్ని అతను మర్చిపోయినట్టు ఉన్నాడు. ‘ఏజెంట్’ సినిమా టైంలో నాకు ఫ్యాన్స్ అంటూ ఎవరూ ఉండరు. నేను స్టార్ డైరెక్టర్ ను కాదు అంటూ చెప్పుకొచ్చాడు. ఆ సినిమా ఫలితం కూడా అలాగే అయ్యింది. అతను స్టార్ డైరెక్టర్ కాకపోతే పవన్ కళ్యాణ్ తో సినిమా చేసే ఛాన్స్ ఎలా వస్తుంది. సరే ఆ విషయాన్ని పక్కన పెట్టేస్తే.. ఈ మధ్యనే పవన్ కళ్యాణ్ – సురేందర్ రెడ్డి కాంబినేషన్లో రూపొందనున్న మూవీ కోసం ఓ ఆఫీస్ ను ప్రారంభిచాడు నిర్మాత రామ్ తల్లూరి.
‘ఎస్.ఆర్.టి ఎంటర్టైన్మెంట్స్’ బ్యానర్ పై ఈ సినిమా రూపొందనుంది. అయితే ఇంతలో ఏమైందో ఏమో కానీ.. వెంకటేష్ తో ఓ సినిమా చేయడానికి పనులు మొదలుపెట్టాడు దర్శకుడు సురేందర్ రెడ్డి. వెంకటేష్ అయితే ప్రస్తుతం ‘సైంధవ్’ అనే సినిమా చేస్తున్నారు. వెంకటేష్ 75వ సినిమాగా ఇది రూపొందుతోంది. ఇక 76 సినిమాని సురేందర్ రెడ్డి దర్శకత్వంలో చేయడానికి వెంకీ రెడీ అయ్యారట. భూపతిరాజా ఈ చిత్రానికి కథ అందిస్తున్నట్టు తెలుస్తుంది.
వెంకటేష్ (Venkatesh) నుండి ఫ్యామిలీ ఆడియన్స్ ఆశించే కథతో ఈ మూవీ ఉంటుందని సమాచారం. కాంబినేషన్ అయితే క్రేజీగానే అనిపిస్తుంది. కానీ రైటర్ భూపతి రాజా .. ఈ మధ్య కాలంలో అస్సలు ఫామ్లో లేరు. ఈ ఏడాది వచ్చిన ‘రామ బాణం’ అనే సినిమాకు ఆయన కథ అందించడం జరిగింది. అది ఎంత నాసిరకంగా ఉంటుందో అందరికీ తెలుసు. అలాగే ‘కాటమరాయుడు’ వంటి సినిమాలు కూడా ఆడలేదు.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
Home