Chiranjeevi – Venky Atluri: చిరంజీవితో వెంకీ అట్లూరి.. ఇది నిజమేనా? కథ రెడీనా?

చిరంజీవితో బుచ్చిబాబు సానా సినిమా అంటున్నారు.. అదే ఇంకా తేలలేదు.. ఇప్పుడు వెంకీ అట్లూరినా? అనే ప్రశ్న వేద్దాం అనుకుంటున్నారా.. ఆగండాగండి. ఎందుకంటే బుచ్చిబాబు సినిమా కేవలం రూమర్‌.. వెంకీ అట్లూరి సినిమా ఆయనే చెప్పారు కాబట్టి. ‘విశ్వనాథ్‌ అండ్‌ సన్స్‌’ సినిమా ప్రచారంలో భాగంగా ఓ ఇంటర్వ్యూలో వెంకీ అట్లూరి మాట్లాడుతూ కొన్ని ఆసక్తికర అంశాలు చెప్పుకొచ్చారు. అందులోనే చిరంజీవి కోసం అతను అనుకున్న సినిమా విషయం కూడా ఉంది.

Chiranjeevi – Venky Atluri

చిరంజీవితో ఓ సినిమా చేయాలనే ఆలోచన తనకు ఉందని, అయితే ఆ సినిమా ఇప్పటికిప్పుడే చేసేయాలని లేదని క్రిప్టిక్‌ ఆన్సర్‌ ఇచ్చారు వెంకీ అట్లూరి. చిరంజీవి లాంటి స్టార్ హీరోని డైరెక్ట్‌ చేసినప్పుడు అన్ని అంశాలు సెట్‌ అయ్యాయా అనే విషయాన్ని ఒకటికి రెండుసార్లు చెక్‌ చేసుకోవాలి. దీనికి తాను ఇంకాస్త ఎదగాలి అని అనుకుంటున్నాను అని వెంకీ క్లారిటీగా చెప్పారు. ఇప్పుడిప్పుడే తన సినిమాల బడ్జెట్‌ స్థాయి పెరుగుతూ వస్తోందని, ఈ సమయంలో చిరంజీవి సినిమాను హ్యాండిల్‌ చేయడం అంటే కష్టం కాబట్టి.. ఇంకొన్ని రోజులు ఆగాలి అని చెప్పారు వెంకీ.

అయితే, ఎలాంటి కథ అనుకున్నారు అనే విషయం మాత్రం వెంకీ అట్లూరి చెప్పలేదు. మాస్‌ హీరోను క్లాస్‌గా చూపించడంలో ఆయన దిట్ట అనే విషయం తెలిసిందే. ఇప్పటివరకు తాను చేసిన సినిమాలన్నీ మాస్‌ అప్పీల్‌ ఉన్న హీరోలతోనే. కానీ అందరినీ క్లాస్‌ హీరోగానే చూపించారు. ‘తొలి ప్రేమ’, ‘మిస్టర్‌ మజ్ను’, ‘రంగ్‌దే’, ‘సార్‌’, ‘లక్కీ భాస్కర్‌’, ‘విశ్వనాథ్‌ అండ్‌ సన్స్‌’ ఇవన్నీ క్లాస్‌ సినిమాలు. లేదంటే కామ్‌గా ఉండే సినిమాలు. చిరంజీవితో సినిమా చేస్తే ఇలానే చేస్తారేమో.

ఇక తన తర్వాతి సినిమా కోసం ఇంకా ఏ కథా రాసుకోలేదని చెప్పారు వెంకీ. అయితే ధనుష్‌తో ఓ సినిమా చేయాల్సి ఉంది, చేస్తాను అని ఆ మధ్య ఓ ఇంటర్వ్యూలో చెప్పారు. మరి అట్లూరి వెంకటేశ్వరరావు అలియాస్‌ వెంకీ అట్లూరి ఆ కొత్త న్యూస్‌ ఎప్పుడు చెబుతారో చూడాలి.

‘ఇరుమడి’ ఈవెంట్‌లో ఈ నోటిదూల అవసరమా అధ్యక్షా?