వెంకటేష్, నాగ చైతన్య కలిసి నటిస్తున్న మల్టీస్టారర్ చిత్రం ‘వెంకీమామ’. ఈ చిత్ర షూటింగ్లో భాగంగా.. మొదటి షెడ్యూల్ ఇటీవల రాజమండ్రి లో మొదలయ్యింది. వెంకటేష్, చైతన్యల పై ఇంట్రడక్షన్ సీన్స్ ను చిత్రీకరించారు. అయితే అనుకోని విధంగా ఈ సీన్లకి సంబందించిన ఓ వీడియో లీక్ అయ్యింది. మొదటి షెడ్యూల్ లోనే ఇలా వీడియో లీకవ్వడం… చిత్ర యూనిట్ ను షాక్ కి గురి చేసింది. 26 సెకండ్ల నిడివి గల ఈ వీడియో ప్రస్తుతం సోషల్ మీడియాలో వైరల్ గా మారింది.
ఇక ఈ ఇంట్రడక్షన్ సీన్ సినిమాలోనే హైలెట్ గా నిలువనుందని తెలుస్తుంది. సిటీ నుండీ ఊరికి వస్తున్న తన మేనల్లుడిని(చైతూని) ‘రిసీవ్’ చేసుకొవడానికి వస్తున్న మావయ్యగా(వెంకటేష్)… ఈ సీన్లో కనిపించారు. చిన్నప్పుడే తల్లి దండ్రులు కోల్పోయిన తన మేనల్లుడికి.. అన్నీ తానై పెంచుతాడు తన మావయ్య. ఈ క్రమంలో తన పెళ్ళి కూడా చేసుకోకుండా ఒంటరిగా మిగిలిపోతాడు. ఈ క్రమంలో తన మావయ్యని ఓ ఇంటివాడిని చేయడానికి ఆ మేనల్లుడు ఏం చేసాడు? అనేది మిగిలిన కథ అని ఫిలింనగర్ విశ్లేషకుల సమాచారం. ఈ క్రమంలో ఈ చిత్రం మంచి ఎంటర్టైనర్ గా సాగుతుందట. బాబీ డైరెక్షన్లో తెరకెక్కుతున్న ఈ చిత్రంలో వెంకీ సరసన పాయల్ రాజ్ పుత్ , చైతు కు జోడీగా రాశి ఖన్నా హీరోయిన్లుగా నటిస్తున్నారు. ‘కోన ఫిలిం కార్పొరేషన్’ ‘సురేష్ ప్రొడక్షన్స్’ ‘పీపుల్స్ మీడియా ఫ్యాక్టరీ’ సంస్థలు కలిసి నిర్మిస్తున్న ఈ చిత్రానికి తమన్ సంగీతం అందిస్తున్నాడు. దసరా లేదా వచ్చే సంక్రాంతి కానుకగా ఈ చిత్రాన్ని విడుదల చేయడానికి ప్లాన్ చేస్తున్నట్టు సమాచారం.
#VenkyMama Leaked footage is going Viral on social networks, #Venkatesh & #NagaChaitanya looking promising..!!! pic.twitter.com/edT4Vp1bI4
— Sreedhar Sri (@SreedharSri4u) February 26, 2019
Home