పవన్, త్రివిక్రమ్ చిత్రంతో రీ ఎంట్రీ ఇవ్వనున్న ఆనాటి హీరోయిన్!

త్రివిక్రమ్ దర్శకత్వంలో పవన్ కళ్యాణ్ నటిస్తున్న అజ్ఞాతవాసి షూటింగ్ పూర్తి చేసుకొని పోస్ట్ ప్రొడక్షన్ లోకి ఎంటర్ అయింది. ఇందులో అలనాటి హీరోయిన్స్ కుష్బూ, ఇంద్రజ నటిస్తున్న సంగతి తెలిసిందే. మరో సీనియర్ హీరోయిన్ కూడా నటిస్తున్నారా? అని ఆలోచించుస్తున్నారా? అయితే మీరు సినిమాలో కాలు వేసినట్లే.. పవన్, త్రివిక్రమ్ నిర్మాతలుగా మరి ఓ సినిమాని నిర్మిస్తున్నారు. ఇందులో హీరోగా నితిన్ నటిస్తున్నారు. హీరోయిన్ గా మేఘా ఆకాష్ ఫిక్స్ అయింది. అయితే ఇందులో ఓ కీలక రోల్ ఉంది. ఆ పాత్రకు అలనాటి తార లిజీ చేస్తోంది. ఈ మలయాళ నటి సుమన్ తో 20 వ శతాబ్దం, ఆత్మబంధం వంటి సినిమాలు చేశారు.

దర్శకుడు ప్రియదర్శన్‌ ని పెళ్లి చేసుకున్న తర్వాత సినిమాలకు దూరమయ్యారు. 25 సంవత్సరాల సుదీర్ఘ విరామం తర్వాత మరోసారి వెండితెరపై దర్శనమిచ్చేనందుకు  తెలుగు సినిమానే ఎంచుకున్నారు.  ఈ విషయాన్ని ఆమె స్వయంగా పేస్‌బుక్ వేదికగా వెల్లడిస్తూ..”చాలాకాలం తర్వాత కెమెరా ముందుకు వచ్చి యాక్టింగ్ చేశాను. పవన్ కళ్యాణ్, త్రివిక్రమ్ సినిమాలోని తొలి షెడ్యూల్ న్యూయార్క్ లో జరిగింది. అక్కడ కొన్ని కీలక సన్నివేశాల్లో నటించాను. నిజానికి పెళ్లి తర్వాత అయిష్టంగానే సినీ పరిశ్రమను వదిలి దూరంగా ఉన్నాను, ఈ సినిమాతో తిరిగి రీ ఎంట్రీ ఇవ్వడం సంతోషంగా ఉంది” అని తెలిపారు. కృష్ణ చైతన్య దర్శకత్వంలో తెరకెక్కుతున్న మూవీ వచ్చే ఏడాది రిలీజ్ కానుంది.