పూరి సినిమాకోసం విజయ్ కు రెండు నెలల ట్రైనింగ్ ?

ప్లాపుల్లో ఉన్న డైరెక్టర్ కు ఓ హిట్టొస్తే.. ఇక తరువాతి సినిమాని కూడా అదే జోష్ లో తెరకెక్కించి హిట్టందుకోవాలని చూస్తుంటారు. ఇప్పుడు పూరి కూడా అదే ప్లాన్ చేస్తున్నట్టు తెలుస్తుంది. వరుస ప్లాపులతో సతమతమవుతున్న పూరి ఎట్టకేలకు ‘ఇస్మార్ట్ శంకర్’ తో హిట్టందుకున్నాడు. ఈ చిత్రంతో ఇప్పటివరకూ చేసిన అప్పులన్నీ తీర్చేసాడు. ఇప్పుడు పూరి ఫుల్ జోష్ లో ఉన్నాడు. విజయ్ దేవరకొండ వంటి క్రేజీ హీరోతో సినిమా చేయడానికి రెడీ అవుతున్నాడు. ఈ చిత్రానికి ‘ఫైటర్’ అనే టైటిల్ ను కూడా ఫిక్స్ చేసినట్టు సమాచారం.

మార్షల్ ఆర్ట్స్ నేపధ్యంలో ఈ చిత్రం రూపొందనుందని తెలుస్తుంది. ఇందుకోసం నిర్మాతలు విజయ్ దేవరకొండకు ట్రైనింగ్ ఇవ్వటం కోసం ఓ కోచ్ ను కూడా ఏర్పాటు చేసారట. త్వరలోనే ట్రైనింగ్ మొదలు కానుంది. రెండు నెలలు పాటు విజయ్ కు ట్రైనింగ్ తీసుకుంటాడట. ఈ గ్యాప్ లో పూరి తన నటీనటులు, సాంకేతిక నిపుణుల ఎంపికలో బిజీగా ఉంటాడని తెలుస్తుంది. ‘పూరి టూరింగ్ టాకీస్’ ‘పూరి కనెక్ట్స్’ బ్యానర్ల పై పూరి, ఛార్మీ కలిసి ఈ చిత్రాన్ని నిర్మించబోతున్నట్టు తెలుస్తుంది.

‘సైరా’ నరసింహారెడ్డి లో ఆకర్షించే అంశాలు ఇవే!
‘బిగ్ బాస్ 3’ హౌస్ మేట్స్ ను సినిమా పోస్టర్లతో పోలిస్తే?