మక్కళ్‌ సెల్వన్‌ విజయ్ సేతుపతి టాలెంట్‌ను బాలీవుడ్‌లో చూద్దాం అనుకునేవాళ్లకు గుడ్‌ న్యూస్‌. రాజ్‌ – డీకే రూపొందిస్తున్న కొత్త వెబ్‌సిరీస్‌లో విజయ్‌సేతుపతిని తీసుకున్నారు. నిజానికి ఇప్పటికే విజయ్ సేతుపతి బాలీవుడ్‌ ఎంట్రీ జరిగి ఉండాల్సింది. అయితే అనుకోని కారణాల వల్ల ఆ సినిమా ఆగిపోయింది. అయితే సినిమాతో కుదరనిది, వెబ్‌ సిరీస్‌తో అవుతుందన్నమాట. ఆమీర్‌ ఖాన్‌ ‘లాల్‌ సింగ్‌ చద్దా’లో విజయ్ సేతుపతిని తొలుత తీసుకున్నారు.
అయితే ఏమైందో తెలియదు కానీ విజయ్ సేతుపతి ఆ తర్వాత సినిమా నుండి తప్పుకున్నాడు. కాల్‌షీట్లు కుదరక అని చెప్పారనుకోండి. దీంతో ఆ సినిమాలోకి అక్కినేని నాగచైతన్య వచ్చి చేరాడు. ఇటీవల షూటింగ్‌లో పాల్గొన్నాడు కూడా. అలా మిస్‌ అయ్యిన విజయ్ సేతుపతి ఇప్పుడు వెబ్‌ సిరీస్‌తో వస్తున్నాడు. రాజ్‌ అండ్‌ డీకే సారథ్యంలో షాహిద్‌ కపూర్‌, రాశీ ఖన్నా, అమోల్‌ పాలేకర్‌ ప్రధాన పాత్రలో ఓ వెబ్‌సిరీస్‌ రూపొందుతోంది.
అందులోనే విజయ్ సేతుపతి నటిస్తున్నాడు. ఈ విషయాన్ని చూచాయగా చెబుతూ షాహిద్‌ కపూర్‌ ఇన్‌స్టాగ్రామ్‌లో ఓ పోస్ట్‌ పెట్టాడు. ‘విజయ్ సేతుపతితో నటించడానికి ఆసక్తిగా ఎదురు చూస్తున్నాను. వెంటనే నన్ను పిలవండి రాజ్‌ అండ్‌ డీకే’ అంటూ ఓ పోస్ట్‌ పెట్టాడు. మరోవైపు విజయ్ సేతుపతితో రాశీ ఖన్నా నటించడం ఇది మూడోసారి కావడం గమనార్హం.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
