అల్లు అర్జున్ హీరోగా సుకుమార్ డైరెక్షన్లో ఓ చిత్రం తెరకెక్కుతోన్న సంగతి తెలిసిందే. ‘పుష్ప’ టైటిల్ తో ఈ చిత్రం తెరకెక్కుతోంది.. ఈ మధ్యే ఫస్ట్ లుక్ ను కూడా విడుదల చేసారు. తెలుగుతో పాటు తమిళ , హిందీ, మలయాళం, కన్నడ భాషల్లో ఈ చిత్రాన్ని విడుదల చేస్తున్నట్టు ప్రకటించారు. రష్మిక మందన హీరోయిన్ గా నటిస్తున్న ఈ చిత్రానికి దేవి శ్రీ ప్రసాద్ సంగీతం అందిస్తున్నాడు.
ఈ చిత్రాన్ని పాన్ ఇండియా లెవెల్లో రూపొందిస్తున్నారు కాబట్టి.. అన్ని భాషల్లోని నటులను తీసుకుంటే సినిమాకి క్రేజ్ పెరిగే అవకాశం ఉంటుంది అని చిత్ర యూనిట్ సభ్యులు భావిస్తున్నారు. ఈ క్రమంలో తమిళ క్రేజీ హీరో విజయ్ సేతుపతి ని తీసుకోనున్నట్టు అప్పట్లో వార్తలు వచ్చాయి. అయితే ఇప్పుడు ఈ సినిమా నుండీ విజయ్ సేతుపతి తప్పుకోనున్నాడు అని సమాచారం. ఇప్పుడు లాక్ డౌన్ కారణంగా ఈ చిత్రం షూటింగ్ ఆగిపోయింది.
ఎప్పుడు స్టార్ట్ అవుతుందో తెలీని పరిస్ధితి. అందులోనూ వరుస ప్రాజెక్ట్ లతో విజయ్ చాలా బిజీగా గడుపుతున్నాడు. ఇంకా చాలా ప్రాజెక్ట్ లకి సైన్ చేసాడు. ‘పుష్ప’ చిత్రం కంటే ముందే వాటికి సైన్ చేసాడట. కాబట్టి ఇప్పుడు చెయ్యలేను అని చెప్పి తప్పుకున్నాడు అని సమాచారం. ఇక ఈయన ప్లేస్ లో ఇప్పుడు బాబీ సింహా ను తీసుకోవాలి అని టీం అంతా తెగ ప్రయత్నాలు మొదలుపెట్టారట.మరేమవుతుందో చూడాలి.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
Home