Vijay: బుట్ట బొమ్మ పాటకు డాన్స్ ఇరగదీసిన విజయ్ తలపతి వీడియో వైరల్!

త్రివిక్రమ్ శ్రీనివాస్ దర్శకత్వంలో అల్లు అర్జున్ పూజ హెగ్డే జంటగా నటించిన చిత్రం అలా వైకుంఠపురం. ఈ సినిమా ఎలాంటి సక్సెస్ అందుకున్న మనకు తెలిసిందే. ఈ సినిమాలోని పాటలు ఎంతో మంచి ఆదరణ సంపాదించుకున్నాయి. ముఖ్యంగా బుట్ట బొమ్మ అనే పాట విపరీతమైన ఆదరణ పొందింది.అయితే ఈ పాటకు తాజాగా కోలీవుడ్ నటుడు విజయ్ స్టెప్పులు వేయడం అందరిని ఎంతగానో ఆకట్టుకుంది. ఇందుకు సంబంధించిన వీడియోని పూజా హెగ్డే షేర్ చేయడంతో ఇది కాస్త వైరల్ గా మారింది.

పూజా హెగ్డే విజయ్ తలపతి హీరో హీరోయిన్లుగా బీస్ట్ అనే సినిమాలో నటించిన విషయం మనకు తెలిసిందే. ఈ సినిమా షూటింగ్ సమయంలో పిల్లలతో కలిసి విజయ్ పూజా హెగ్డే బుట్ట బొమ్మ అనే సాంగ్ కు డాన్స్ వేశారు. అయితే తాజాగా ఈ వీడియోని పూజా హెగ్డే సోషల్ మీడియాలో షేర్ చేశారు. జూన్ 24వ తేదీ విజయ్ పుట్టినరోజు కావడంతో పెద్ద ఎత్తున ఈయనకు సోషల్ మీడియా వేదికగా శుభాకాంక్షలు వెల్లువెత్తాయి.

ఈ క్రమంలోనే అభిమానులతో పాటు సినిమా సెలబ్రిటీలు కూడా హీరో విజయ్ కు పుట్టినరోజు శుభాకాంక్షలు తెలియజేశారు. విజయ్ పుట్టినరోజు సందర్భంగా పూజ హెగ్డే ఈ వీడియోని సోషల్ మీడియాలో షేర్ చేస్తూ తనకు పుట్టినరోజు శుభాకాంక్షలు తెలిపారు. ప్రస్తుతం ఈ వీడియో వైరల్ గా మారడంతో అల్లు అర్జున్ అభిమానులు ఎంతో సంతోషం వ్యక్తం చేస్తున్నారు. ఇక వీరిద్దరి కాంబినేషన్లో వచ్చిన బీస్ట్ సినిమా పెద్దగా ప్రేక్షకాదరణ పొందలేకపోయిందని చెప్పాలి.

అనంతరం (Vijay) విజయ్ వారసుడు సినిమా ద్వారా ప్రేక్షకుల ముందుకు వచ్చారు. ఈ సినిమా మంచి సక్సెస్ అందుకుంది. ప్రస్తుతం ఈయన తదుపరి సినిమా షూటింగ్ పనులలో బిజీగా ఉన్నారు. ఇక పూజ హెగ్డే విషయానికి వస్తే గత ఏడాది ఈమె నటించినసినిమాలన్నీ వరుసగా డిజాస్టర్ కావడంతో ఇప్పటివరకు ఒక్క సినిమా ద్వారా కూడా ఈమె ప్రేక్షకుల ముందుకు రాలేదు. అయితే తాజాగా ఈమె గుంటూరు కారం సినిమా నుంచి కూడా తప్పుకున్నారనే సంగతి మనకు తెలిసిందే.

అశ్విన్స్ సినిమా రివ్యూ & రేటింగ్!

ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!