పవర్ స్టార్ పవన్ కళ్యాణ్ తో ఒక సినిమా అయినా చేయాలనీ చాలామంది టెక్నీషియన్లకు, ఆర్టిస్టులకు ఉంటుంది. ఆ జాబితాలో బాహుబలి రచయిత విజయేంద్ర ప్రసాద్ కూడా ఉండడం అందరినీ ఆశ్చర్య పరుస్తోంది. అవును ఆ విషయాన్నీ స్వయంగా అతనే వెల్లడించారు. ‘బజరంగీ భాయిజాన్’, ‘బాహుబలి’ వంటి సినిమాలతో దేశవ్యాప్తంగా పేరుతెచ్చుకున్న విజయేంద్ర ప్రసాద్ బాహుబలి కంక్లూజన్ ఇంట్రవెల్ సీన్ రాసేటప్పుడు పవన్ కళ్యాణ్ ని స్ఫూర్తిగా తీసుకున్నట్లు మీడియా ముఖంగా చెప్పారు.
ప్రస్తుతం బాలీవుడ్ బ్యూటీ కంగనా రనౌత్ కోసం ‘మణికర్ణిక’ సినిమాకి కథను అందిస్తున్నారు. ‘ఝాన్సీ లక్ష్మీబాయి’ జీవిత చరిత్ర ఆధారంగా ఈ సినిమా రూపొందుతోంది. ఇలా బిజీగా ఉన్న విజయేంద్ర ప్రసాద్, పవన్ కల్యాణ్ తో కలిసి పనిచేయాలని ఉందని వెల్లడించారు. అందుకోసం పవన్ కోసం ఒక కథను తయారు చేస్తున్నానని.. త్వరలో ఆయనతో కలిసి కథ చెబుతానని స్పష్టం చేశారు. సో పవన్, విజయేంద్ర ప్రసాద్ కలయికలో మూవీ రానుందన్నమాట.
Also, do SUBSCRIBE to our YouTube channel to get latest Tollywood updates.
