SK Chandrasekhar: స్టార్ హీరోకి తండ్రితో మాటల్లేవా..?

కోలీవుడ్ లో స్టార్ హీరోగా దూసుకుపోతున్నారు విజయ్. రీసెంట్ గా ‘వరిసు’ సినిమాతో ప్రేక్షకుల ముందుకొచ్చారు విజయ్. ఈ సినిమాను ‘వారసుడు’ పేరుతో తెలుగులో రిలీజ్ చేశారు. తెలుగులో ఈ సినిమా పెద్దగా వర్కవుట్ కానప్పటికీ.. తమిళంలో మాత్రం దూసుకుపోయింది. భారీ కలెక్షన్స్ ని రాబట్టింది. కెరీర్ పరంగా పీక్స్ లో ఉన్న విజయ్.. కుటుంబ పరంగా మాత్రం సమస్యలు ఎదుర్కొంటున్నట్లు మీడియాలో వార్తలొస్తున్నాయి. తన భార్య నుంచి విజయ్ విడాకులు తీసుకుంటున్నట్లు ఇటీవల ఒక రూమర్ చక్కర్లు కొట్టింది.

దీనికి సంబంధించి తరువాత అప్డేట్స్ ఏమీ లేకపోవడంతో అది కేవలం రూమర్ మాత్రమేనని తేలిపోయింది. మరోపక్క విజయ్ కి తన తండ్రి చంద్రశేఖర్ తో పొసగడం లేదని వార్తలొస్తున్నాయి. తన తండ్రికి వ్యతిరేకంగా విజయ్ ఒక స్టేట్మెంట్ కూడా ఇచ్చే పరిస్థితి వచ్చింది. అయితే కొడుకుతో విబేధాలపై చంద్రశేఖర్ తాజాగా ఒక ఇంటర్వ్యూలో మాట్లాడారు. విజయ్ కి తనకు మధ్య మనస్పర్థలు ఉన్న మాట నిజమేనని.. తామిద్దరం దాదాపు ఏడాదిన్నరగా మాట్లాడుకోవడం లేదని ఆయన అంగీకరించారు.

అయితే కుటుంబంలో ఇలాంటి గొడవలు జరగడం సహజమేనని.. తనకు, విజయ్ కి మధ్య కూడా కొన్ని విషయాల్లో అభిప్రాయబేధాలు వచ్చాయని.. తామిద్దరం సరిగ్గా మాట్లాడకపోయినంత మాత్రాన ఏదో అయిపోయిందని ఊహించుకోవాల్సిన అవసరం లేదని చెప్పుకొచ్చారు. ఇటీవలే తమ కుటుంబ సభ్యులందరూ కలిసి ‘వరిసు’ సినిమా కూడా చూశామని ఆయన వెల్లడించారు. విజయ్ రాజకీయాల్లోకి రావాలనేది చంద్రశేఖర్ కోరిక.

అభిమానులు కూడా ఇదే కోరుకోవడంతో.. ఫ్యాన్స్ అసోసియేషన్ మెంబర్స్ తో కలిసి చంద్రశేఖర్ పొలిటికల్ మీటింగ్స్ పెట్టారు. విజయ్ రాజకీయాల్లోకి వస్తాడని.. చంద్రశేఖర్ సందేశాలు ఇవ్వడం ఒకానొక సమయంలో వివాదానికి దారి తీసింది. ఆ సమయంలో విజయ్.. తన తండ్రి పెట్టే పొలిటికల్ మీటింగ్స్ తో తనకు ఎలాంటి సంబంధం లేదని చెప్పారు. అప్పటినుంచి తండ్రీకొడుకుల మధ్య గ్యాప్ వచ్చింది.

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!