కోలీవుడ్‌ హీరో విజయ్ నటిస్తోన్న తాజా చిత్రం ‘లియో’. దీని కోసం ప్రేక్షకులు ఎంతగానో ఎదురుచూస్తున్నారు. ఇప్పటికే ఓవర్సీస్‌లో దీని అడ్వాన్స్ బుకింగ్‌ ఓపెన్‌ చేసిన సంగతి తెలిసిందే. అక్కడ ఈ టికెట్లు భారీ ఎత్తున అమ్ముడవుతున్నాయి. తాజాగా ఈ టికెట్స్‌ మొదటి రోజు సేల్స్‌లో ‘లియో’ షారుక్‌ తాజా సినిమాలను అధిగమించింది. లోకేశ్‌ కనగరాజ్‌ దర్శకత్వంలో విజయ్ నటిస్తోన్న ఈ చిత్రం అక్టోబర్ 19న ప్రేక్షకుల ముందుకు రానుంది.
దీంతో నెల రోజుల ముందు నుంచే దీని అడ్వాన్స్ బుకింగ్స్ ఓపెన్‌ చేశారు. యూకేలో వీటిని రికార్డు స్థాయిలో కొనుగోలు చేశారు. ‘లియో’ మొదటి రోజు టికెట్స్‌ షారుక్‌ నటించిన ‘పఠాన్‌’, ‘జవాన్‌’ల కంటే అధికంగా అమ్ముడయ్యాయి. ఫస్ట్‌డే షో కోసం 30000 మంది ‘లియో’ టికెట్స్‌ కొనుగోలు చేశారని చిత్ర బృందం తెలిపింది. అలాగే త్వరలోనే థియేటర్ల సంఖ్య ఇంకా పెంచుతున్నట్లు మూవీ యూనిట్‌ ఇటీవల ప్రకటించిన సంగతి తెలిసిందే.
విడుదల సమయం నాటికి ఈ టికెట్ సేల్స్‌ ఇంకా పెరుగుతాయని చిత్రబృందం ఆశాభావం వ్యక్తం చేసింది. 2021లో వచ్చిన బ్లాక్‌ బస్టర్‌ మాస్టర్‌ తర్వాత విజయ్, లోకేష్ కనగరాజ్‌ల కాంబినేషన్‌లో వస్తోన్న ఈ చిత్రంపై అభిమానులు అంచనాలు భారీగానే ఉన్నాయి. గతంలో తమిళ హిట్స్ గిల్లి, కురువి, తిరుపాచి తదితర సూపర్‌ హిట్‌ చిత్రాలలో విజయ్‌తో కలిసి నటించిన త్రిష కృష్ణన్ కూడా చాలా ఏళ్ల తర్వాత మళ్లీ దళపతితో జోడి కట్టింది.
బాలీవుడ్ నటుడు సంజయ్ దత్ ‘లియో’ (LEO Movie) సినిమాతో తమిళ ఇండస్ట్రీలోకి అడుగుపెట్టబోతున్నాడు. ఈ చిత్రంలో విజయ్, సంజయ్ దత్‌లతో పాటు అర్జున్ సర్జా, మన్సూర్ అలీఖాన్, ప్రియా ఆనంద్, మిస్కిన్, గౌతమ్ వాసుదేవ్ మీనన్ కూడా ముఖ్య పాత్రలు పోషించారు. ఈ సినిమా అక్టోబర్ 19న విడుదల కానుంది.
మ్యాడ్ సినిమా రివ్యూ & రేటింగ్!
ది గ్రేట్ ఇండియన్ సూసైడ్ సినిమా రివ్యూ & రేటింగ్!
మామా మశ్చీంద్ర సినిమా రివ్యూ & రేటింగ్!
Home
