మిస్టర్ కెకె చిత్రాన్ని బ్యాన్ చేసిన మలేసియాన్ పోలీసులు

పాపం తాను నటుడిగా ఎంత కష్టపడుతున్నా సరైన విజయం దక్కడం లేదని అసలే చాలాకాలంగా బాధపడుతున్న విక్రమ్ ప్రయోగాల జోలికి పోకుండా నటించిన పక్కా కమర్షియల్ సినిమా “మిస్టర్ కెకె”. నేటివ్ షేడ్స్ ఉన్న పాజిటివ్ రోల్లో విక్రమ్ ఈ సినిమాలో నటించాడు. తెలుగులో ఈ సినిమాకి ఆశించిన స్థాయి రెస్పాన్స్ లభించలేదు. పైగా.. శుక్రవారం విడుదలైన ఈ సినిమాను ఆదివారానికే చాలా థియేటర్ల నుండి తొలగించి ఆ స్థానంలో “ఇస్మార్ట్ శంకర్, ఓ బేబీ” సినిమాలు ఆడించారు. రివ్యూలు కూడా పాజిటివ్ గా రాలేదు. ఇవన్నీ తట్టుకొని కాస్త నిలదొక్కుకుంటున్న తరుణంలో మలేసియాలో ఈ సినిమాని బ్యాన్ చేయడం పెద్ద సమస్యగా మారింది.

తమిళ సినిమాలు మలేసియాలో ఇరగాడేస్తుంటాయి. అందుకు కారణం అక్కడ తమిళులు ఎక్కువగా ఉండడమే. అయితే.. “మిస్టర్ కెకె” సినిమాలో మలేసియాన్ పోలీసులను తప్పుగా చూపించారనే కారణం చేత ఆ సినిమాను అక్కడ బ్యాన్ చేశారు. దాంతో మలేసియాలోని విక్రమ్ ఫ్యాన్స్ కొందరు సింగపూర్ వెళ్ళి సినిమా చూడాల్సి వస్తోందట. పాపం.. ఆల్రెడీ ప్రొడక్షన్ టీం మలేసియాన్ పోలీసులకు సారీ చెప్పినా పెద్దగా ఉపయోగం లేకుండాపోయింది. మరి విక్రమ్ సుడి అలా ఉంది.