SSMB28: మహేష్ కోసం త్రివిక్రమ్ ప్లాన్.. వర్కవుట్ అవుతుందా..?

టాలీవుడ్ స్టార్ హీరో మహేష్ బాబుతో ఓ సినిమా చేయనున్నారు త్రివిక్రమ్. నిజానికి ఈ సినిమా చాలా రోజుల క్రితమే మొదలవ్వాల్సింది కానీ మహేష్ ‘సర్కారు వారి పాట’ షూటింగ్ ఆలస్యం అవ్వడంతో త్రివిక్రమ్ సినిమా లేట్ గా మొదలవుతోంది. ప్రస్తుతం ఈ సినిమాకి సంబంధించిన క్యాస్టింగ్ పనులు జరుగుతున్నాయి. ఎప్పుడో స్క్రిప్ట్ సిద్ధమై ఓకే చేసుకున్న ప్రాజెక్ట్ అయినప్పటికీ.. నటీనటులను సెట్ చేయడం ఛాలెంజింగ్ గా మారింది. ముఖ్యంగా విలన్ ని ఎంపిక చేసుకునే విషయంలో చాలా జాగ్రత్తలు తీసుకుంటున్నారు త్రివిక్రమ్.

ఈసారి స్టార్ హీరోని విలన్ గా రంగంలోకి దింపాలని చూస్తున్నారు. రెండు రోజుల క్రితం నందమూరి తారకరత్నని ఈ సినిమాలో విలన్ గా తీసుకుంటున్నట్లు ప్రచారం జరిగింది. అందులో నిజం లేదని క్లారిటీ ఇచ్చారు తారకరత్న. ఇప్పుడేమో విజయ్ సేతుపతి, ఫహద్ ఫాజిల్, పృథ్వీరాజ్ సుకుమారన్ లలో ఒకరిని తీసుకోవాలని ప్రయత్నిస్తున్నట్లు సమాచారం. విజయ్ సేతుపతి, ఫహద్ ఫాజిల్ లకు టాలీవుడ్ లో కూడా మంచి క్రేజ్ ఉంది.

పృథ్వీరాజ్ సుకుమారన్ నటించిన మలయాళ సినిమాలను తెలుగులో పెద్దగా డబ్బింగ్ చేసింది కూడా లేదు. కానీ మలయాళ ఇండస్ట్రీలో మాత్రం అతడికి మంచి క్రేజ్ ఉంది. హీరోగానే కాకుండా దర్శకుడిగా కూడా సినిమాలు చేస్తున్నారు. ఆయన డైరెక్ట్ చేసిన ‘లూసిఫర్’ సినిమాను తెలుగులో ‘గాడ్ ఫాదర్’ పేరుతో రీమేక్ చేస్తున్నారు.

ఇప్పుడు పృథ్వీరాజ్ ని విలన్ గా టాలీవుడ్ కి పరిచయం చేయాలనుకుంటున్నారు త్రివిక్రమ్. కానీ అతడు అంత ఈజీగా నెగెటివ్ రోల్స్ చేయడానికి ఒప్పుకోరు. మరి త్రివిక్రమ్ అతడిని ఒప్పించగలరో లేదో చూడాలి. ఒప్పుకుంటే గనుక ఒక ఫ్రెష్ కాంబినేషన్ ను తెరపై చూసే ఛాన్స్ కలుగుతుంది!

ఎఫ్ 3 సినిమా రివ్యూ & రేటింగ్!

Most Recommended Video

పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!