కమర్షియల్ సినిమాలు మాత్రమే చేస్తుంటాడు.. దాని వల్ల కెరీర్ రిస్క్ చాలా తక్కువ.. అందుకే కెరీర్ ఇన్నేళ్లుగా సాగిపోతూనే ఉంది – విశాల్ గురించి ఇన్నేళ్లుగా చాలామంది చేసే విమర్శలు ఇవే. ఆ మాటలు నిజం కావు అని ఆయన చాలాసార్లు నిరూపించే ప్రయత్నం చేస్తూనే ఉన్నారు. అంతేకాదు ఆ ప్రయత్నంలో మంచి ఫలితం కూడా అందుకున్నాడు. కానీ ఇప్పటికీ తన మీద ఆ ముద్ర వేస్తూనే ఉన్నారు. ఆయన కూడా మార్చుకునే ప్రయత్నం చేస్తూనే ఉన్నాడు. అలాంటి తాజా ప్రయత్నమే ‘మకుటం’. తమిళంలో ఈ సినిమా పేరు ‘మగడం’.
అన్నీ అనుకున్నట్లుగా జరిగి ఉంటే ఈ సినిమా ఈ పాటికే విడుదలై ఉండాల్సింది. ఎందుకంటే సినిమాఉ సమ్మర్లో రిలీజ్ చేస్తామని చెప్పారు. కానీ పనులు పూర్తవ్వని కారణం సినిమా వాయిదా పడుతూ వస్తోంది. తాజాగా ఈ సినిమాకు సంబంధించి విశాల్ చేసిన కొన్ని వ్యాఖ్యలు చేశాడు. వాటి ప్రకారం సినిమా ఎంత వైవిధ్యంగా తెరకెక్కుతోంది అనేది అర్థమవుతోంది. ‘మగుడం’ సినిమాలో చాలా సర్ప్రైజ్లు ఉన్నాయి అని చెప్పిన విశాల్.. ఈ సినిమాలోని మూడు పాత్రల గురించి వివరించారు.
సినిమాలో చేస్తున్న మూడు పాత్రలకు మూడు డిఫరెంట్ లుక్స్, బాడీ లాంగ్వేజ్లు ఉంటాయి. వాటిని చాలా ఇష్టంగా చేశాను. ఆ మూడు పాత్రల్లో ఒకటి మెడికల్ రిప్రజింటేటివ్, మరొకటి గ్యాంగ్స్టర్, మూడోది హార్డ్కోర్ ఇళయరాజా ఫ్యాన్. మూడుకు మూడు అదిరిపోతాయి అని చెప్పాడు విశాల్. అన్నట్లు ఈ సినిమాకు దర్శకుడు కూడా విశాలే. తొలిసారి దర్శకత్వం వహిస్తున్న ఈ సినిమాకు ఎలాంటి ఫలితం వస్తుందో చూడాలి.
ఈ సినిమా కాకుండా మరో రెండు సినిమాలు చేస్తున్నాడు విశాల్. అందులో ఒకటి ‘పురుషన్’. ఈ సినిమాకు సుందర్.సి దర్శకుడు. ఇక రెండో సినిమా ‘తుప్పరివాలన్ 2’. అంటే ‘డిటెక్టివ్ 2’. ఈ సినిమాకు దర్శకుడు విశాల్. నిజానికి ఆయన డైరక్టోరియల్ డెబ్యూ ఈ సినిమానే అవ్వాలి. ‘మగుడం’ సినిమా నుండి రవి అరసు తప్పుకోవడంతో దాన్ని కూడా విశాల్ భుజానికెత్తుకున్నాడు..
