Vishal: ‘టెంపర్’… రీమేక్ టు డబ్బింగ్… తప్పంతా నిర్మాతదే అంటున్న విశాల్

జూనియర్ ఎన్టీఆర్ (Jr NTR) కెరీర్లో టెంపర్ కి స్పెషల్ ప్లేస్ ఉంటుంది. ఎందుకంటే .. టెంపర్ కి ముందు ఎన్టీఆర్ రెగ్యులర్ మాస్ సినిమాలే చేసేవాడు. ఆల్మోస్ట్ లుక్స్ అంతా ఒకేలా ఉండేవి. కథనం కూడా అంతే. అందుకే ఫలితాలు తేడా కొట్టాయి. ఒక దశలో ఎన్టీఆర్ ఇక మారడా అనే కామెంట్స్ కూడా వినిపించాయి. అలాంటి టైంలో పంథా మార్చి టెంపర్ చేశాడు ఎన్టీఆర్. ఈ సినిమా కోసం తన మెకోవర్ అంతా మార్చుకున్నాడు. బాడీ లాంగ్వేజ్ కూడా..! దర్శకుడు పూరీకి, స్క్రిప్ట్ కి సరెండర్ అయిపోయి పనిచేశాడు అని చెప్పొచ్చు. అందుకే టెంపర్.. ఎన్టీఆర్ కెరీర్ కి అవసరమైన విజయాన్ని అందించింది. ఈ సినిమా తర్వాత ఎన్టీఆర్ కి వార్ 2 వరకు ఫ్లాప్ అనేది లేదు. అంతలా ఎన్టీఆర్ కెరీర్ కి టెంపర్ హెల్ప్ అయ్యింది అని చెప్పొచ్చు. ఈ సినిమా క్లైమాక్స్ లో ఎన్టీఆర్ జీవించేశాడు. ముఖ్యంగా కోర్టు సీన్లో ఎన్టీఆర్ నటనకి ఫిదా అవ్వని వారంటూ ఉండరు.

Vishal

ఇదే సినిమాని తమిళంలో ఇన్స్పెక్టర్ దయ పేరుతో డబ్ చేశారు. హానెస్ట్ గా చెప్పాలంటే.. అక్కడి థియేటర్లలో ఈ సినిమాని ఎవ్వరూ చూడలేదు. కానీ తర్వాత టీవీల్లో టెలికాస్ట్ అయినప్పుడు.. అందరూ ఎగబడి చూశారు. దీంతో ఎన్టీఆర్ యాక్టింగ్ పవర్ తమిళ తంబీలకి కూడా తెలిసొచ్చినట్టు అయ్యింది. ఈ కథ బాగా నచ్చడంతో విశాల్ (Vishal) తో ‘అయోగ్య’ గా రీమేక్ చేశారు. రాశీ ఖన్నా విశాల్ కి జోడీగా నచ్చింది. కానీ టెంపర్ రేంజ్లో మేజిక్ చేయలేకపోయింది. తమిళంలో ఫ్లాప్. విచిత్రం ఏమిటంటే.. తెలుగులో కూడా డబ్ చేసి రిలీజ్ చేశారు.

తెలుగు ఆడియన్స్ ఈ సినిమాని పట్టించుకోలేదు. పైగా సోషల్ మీడియాలో తెగ ట్రోల్ చేశారు. క్లైమాక్స్ మార్చారు అనే ఒకే ఒక్క కారణంంతో అయోగ్య ని తెలుగులో డబ్ చేశారు. అది కూడా మన వాళ్ళకి ఎక్కలేదు. ఈ విషయంపై తాజాగా విశాల్ స్పందించాడు. టెంపర్ సినిమాలో ఎన్టీఆర్ (Jr NTR) నట విశ్వరూపాన్ని, మేజిక్ ను రీక్రియేట్ చేయలేమని చెప్పాడు విశాల్ (Vishal) . కాకపోతే సబ్జెక్ట్ బాగుందని భావించి తమిళ ఆడియన్స్ ఎక్కువమంది ఆ కథ తెలుసుకోవాలి అనే ఉద్దేశంతో రీమేక్ చేశాడట. అందులో తన తప్పు ఉందని.. కానీ ఆ సినిమాని తెలుగులో డబ్ చేసిన విషయం తనకి తెలీదని, అది పూర్తిగా నిర్మాత చేసిన తప్పే అని తోసిపుచ్చే ప్రయత్నం చేశాడు విశాల్. అదీ మేటర్.

 కిరణ్‌ అబ్బవరం స్థాయిని పెంచుతున్నాడు… తొలి పాన్‌ ఇండియా టైటిల్‌ ఇదే