ఆగస్ట్ 11న విడుదలవుతున్న మంచు విష్ణు “ఓటర్”

మంచు విష్ణు-సురభి జంటగా జి.ఎస్.కార్తీక్ దర్శకత్వంలో రూపొందుతున్న తెలుగు-తమిళ బైలింగువల్ “ఓటర్”. “హీరో ఆఫ్ ది నేషన్” అనేది ట్యాగ్ లైన్. రామా రీల్స్ పతాకంపై సుధీర్ కుమార్ పూదోట (జాన్) నిర్మిస్తున్న ఈ చిత్రాన్ని ఆగస్ట్ 11న ప్రేక్షకుల ముందుకు తీసుకువచ్చేందుకు దర్శకనిర్మాతలు సన్నద్ధమవుతున్నారు.

ఈ సందర్భంగా చిత్ర నిర్మాత సుధీర్ కుమార్ పూదోట (జాన్) మాట్లాడుతూ.. “మా మోహన్ బాబు గారి జన్మదినం సందర్భంగా “శ్రీవిద్యానికేతన్ 25వ వార్షికోత్సవ వేడుక రోజున ప్రఖ్యాత సంగీత దర్శకులు ఇళయరాజా మా సినిమా టైటిల్ ను ఎనౌన్స్ చేయడం మాకు ఎనలేని సంతోషాన్ని కలిగించింది. తెలుగు-తమిళ భాషల్లో ఏకకాలంలో రూపొందుతున్న “ఓటర్” చిత్రీకరణ చివరి దశకు చేరుకొంది. ఆగస్ట్ 11న చిత్రాన్ని విడుదల చేసేందుకు సన్నాహాలు చేస్తున్నాం. “ఓటర్” చిత్రం మంచు విష్ణు కెరీర్ లో మైలురాయిగా నిలవడంతోపాటు మా చిత్ర బృందానికి మంచి పేరు తీసుకువస్తుంది. త్వరలోనే టైటిల్ లోగోను విడుదల చేసి.. ఆడియో విడుదల తేదీని ప్రకటిస్తాం” అన్నారు.

Also, do SUBSCRIBE to our YouTube channel to get latest Tollywood updates.