పెద్ద నిర్మాత చేతిలో పడ్డ విశ్వక్ సేన్..!

‘వెళ్లిపోమాకే’ చిత్రంతో హీరోగా ఎంట్రీ ఇచ్చిన విశ్వక్ సేన్ ఆ తరువాత.. ‘ఈ నగరానికి ఏమైంది’ ‘ఫలక్ నుమా దాస్’ వంటి హిట్ చిత్రాల్లో నటించాడు. రీసెంట్ గా శైలేష్ డైరెక్షన్లో ‘హిట్’ అనే చిత్రంతో సూపర్ హిట్ అందుకున్నాడు. నాని, ప్రశాంతి తిపిరినేని కలిసి నిర్మించిన ఈ చిత్రం విడుదలైన 4 రోజులకే బ్రేక్ ఈవెన్ సాధించి సూపర్ హిట్ దిశగా దూసుకుపోతుంది. ఇలా సెలెక్టీవ్ గా సినిమాలు చేస్తూ… మంచి ఫలితాల్ని అందుకోవడంతో.. హీరో విశ్వక్ సేన్ తో ఇప్పుడు ఓ బడా నిర్మాత ఛాన్స్ ఇవ్వబోతున్నాడట.

ఆయన మరెవరో కాదు.. సక్సెస్ ఫుల్ ప్రొడ్యూసర్ దిల్ రాజు. మొదటి నుండీ చిన్న సినిమాలతో పెద్ద హిట్లు కొట్టడం ఈయనకి వెన్నతో పెట్టిన విద్య. ఎంతో మంది చిన్న హీరోలతో సినిమాలు తీసి సంచలన విజయాలను సొంతం చేసుకున్నారు దిల్ రాజు. ఇప్పుడు కూడా విశ్వక్ సేన్ హీరోగా పెట్టి ఓ చిత్రాన్ని నిమిస్తున్నాడట. నరేష్ కొప్పల్లి అనే యువ దర్శకుడు ఇండస్ట్రీకి పరిచయం కాబోతున్నాడు. మార్చి 18న ఈ చిత్రం మొదలు కాబోతుందట. బెక్కం వేణు గోపాల్ కూడా సహ నిర్మాతగా వ్యవహరించబోతున్నాడట. ఇక హీరోయిన్ మరియు మిగిలిన నటీనటుల వివరాలను అదే రోజున ప్రకటించే అవకాశం ఉందని సమాచారం.

Most Recommended Video

పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!