విశ్వ‌క్‌, కార్తికేయ మ‌ల్టీస్టార‌ర్‌ కు రంగం సిద్ధం..!

‘ఆర్.ఎక్స్.100’ చిత్రంతో మంచి ఫ్యాన్ ఫాలోయింగ్ ను ఏర్పరుచుకున్నాడు కార్తికేయ. అటు తరువాత కూడా వైవిధ్యమైన కథలను.. ముఖ్యంగా యూత్ కు కనెక్ట్ అయ్యే కథలను ఎంపిక చేసుకుంటూ.. దూసుకుపోతున్నాడు. ప్రస్తుతం ‘చావు కబురు చల్లగా’ అనే చిత్రంలో నటిస్తున్నాడు ఈ కుర్ర హీరో. ఇక ఇదే తరహాలో యూత్ కు దగ్గరైన మరో హీరో విశ్వక్ సేన్.! ‘ఈ నగరానికి ఏమైంది?’ ‘ఫలక్ నుమా దాస్’ ‘హిట్’ వంటి చిత్రాలతో మంచి క్రేజ్ ను సంపాదించుకున్నాడు విశ్వక్.

ప్రస్తుతం ఈ కుర్ర హీరో.. ‘ఓ మై కడవులే'(తమిళ్) రీమేక్ లో నటిస్తున్నాడు. ఇదిలా ఉండగా.. ఈ ఇద్దరు క్రేజీ హీరోలు కలిసి ఓ చిత్రం చేయబోతున్నారనేది తాజా సమాచారం. సస్పెన్స్ థ్రిల్లర్ గా ఆ చిత్రం ఉండబోతుందని తెలుస్తుంది. ఈ క్రేజీ మల్టీస్టారర్ ను విశ్వ‌క్ సేనే నిర్మించబోతున్నాడట‌. కథ ప్రకారం ఈ చిత్రంలో కార్తికేయ లేదా విశ్వక్ లలో ఒకరు నెగిటివ్ షేడ్స్ ఉన్న పాత్రలో కనిపిస్తారట. స్క్రిప్ట్ అదిరిపోయిందట.

అందుకే సక్సెస్ ఫుల్ ప్రొడ్యూసర్ దిల్ రాజు కూడా ఈ క్రేజీ ప్రాజెక్టుకి స‌మ‌ర్ప‌కుడిగా వ్య‌వ‌హ‌రించ‌బోతున్నట్టు తెలుస్తుంది. ఇప్పటివరకూ ఎడిట‌ర్ గా ఇండస్ట్రీలో కొనసాగుతూ వచ్చిన ఓ కుర్రాడు ఈ చిత్రంతో డైరెక్టర్ గా మారబోతున్నాడట. త్వరలోనే పూజా కార్యక్రమాలతో లాంఛనంగా ఈ చిత్రం ప్రారంభమవుతుందని సమాచారం.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!