Vishwanath and Sons Trailer Review: ‘విశ్వనాథ్ అండ్ సన్స్’ ట్రైలర్ రివ్యూ.. స్యూర్ షాట్ బ్లాక్ బస్టర్

సూర్య తెలుగులో నటిస్తున్న స్ట్రైట్ మూవీ ‘విశ్వనాథ్ అండ్ సన్స్'(Vishwanath and Sons). ‘సితార ఎంటర్టైన్మెంట్స్’ సంస్థపై సూర్యదేవర నాగవంశీ ఈ చిత్రాన్ని రూ.130 కోట్ల బడ్జెట్ తో నిర్మించారు. ‘సార్’ ‘లక్కీ భాస్కర్’ వంటి బ్లాక్ బస్టర్స్ తో సూపర్ ఫామ్లో ఉన్న వెంకీ అట్లూరి ఈ చిత్రానికి దర్శకుడు. ఆగస్టు 14న విడుదల కానుంది ఈ సినిమా. ప్రమోషన్స్ లో భాగంగా వదిలిన టీజర్, పాటలు అన్నీ ప్రామిసింగ్ గా అనిపించాయి. తాజాగా ట్రైలర్ ను కూడా వదిలారు.

Vishwanath and Sons

‘విశ్వనాథ్ అండ్ సన్స్’ ట్రైలర్ 2 నిమిషాల 49 సెకన్ల నిడివి కలిగి ఉంది. ట్రైలర్ ఆరంభంలో హీరో తల్లి ‘తన బిడ్డకి పిస్టోల్ షూటింగ్లో శిక్షణ ఇవ్వాలని.. దాని ద్వారా అతను ఒలంపిక్స్ లో గోల్డ్ మెడల్ సంపాదించాలని’ ఆశపడుతున్నట్టు చెబుతుంది.

దానిని హీరో నిజం చేస్తున్నట్టు కూడా విజువల్స్ చూపించారు. ఈ సినిమాలో హీరో  సూర్య సంజయ్ విశ్వనాథ్ అనే రిచ్ మెన్ గా కనిపిస్తున్నాడు. ‘మన డబ్బు, స్టేటస్ అన్నీ మనకు సౌకర్యం ఇవ్వాలి కానీ అహంకారం కాకూడదు’ అంటూ చెప్పే డైలాగ్ హీరో క్యారెక్టరైజేషన్ ను తెలియజేస్తుంది.తర్వాత ట్రైలర్ ఎమోషనల్ టర్న్ తీసుకుంది. ఒక చిన్న పిల్లాడికి బోన్ మ్యారో ట్రాన్స్ప్లాంటేషన్ అవసరమన్నట్టు చూపించారు. ఇది కోర్ ఎమోషన్ అనుకోవచ్చు.

అందుకోసం దాతను వెతికే క్రమంలో హీరోయిన్ పాత్రని పరిచయం చేశారు. బోన్ మ్యారో దాత ఆమెనే అని రివీల్ చేశారు. అందుకోసం ఆమె హీరో ఫ్యామిలీకి దగ్గరవడం, ఆ తర్వాత చిన్న పిల్లాడితో.. హీరో ఫ్యామిలీతో బాండింగ్ పెంచుకోవడం. అలాగే హీరోని ప్రేమించడం వంటి అంశాలు ఉన్నట్టు చూపించారు. ఏజ్ గ్యాప్ కారణంతో హీరోయిన్ ని హీరో ఇగ్నోర్ చేస్తున్నట్టు చూపించారు. మరోవైపు ఫ్యామిలీ ఎమోషన్స్ గురించి కూడా డైలాగులు ఉన్నాయి.

అక్కడక్కడా ‘సంతోషం’ సినిమా ఫీల్స్ ను కూడా ఇచ్చింది ఈ టీజర్. సూర్య ఇమేజ్ ను బ్యాలన్స్ చేస్తూ.. దర్శకుడు వెంకీ అట్లూరి ఓ బ్యూటీఫుల్ అలాగే ఎమోషనల్ ఫ్యామిలీ ఎంటర్టైనర్ ను తెరకెక్కించినట్టు ట్రైలర్ స్పష్టంచేసింది. మీరు కూడా ఓ లుక్కేయండి :

సీనియర్ ఎన్టీఆర్ ‘స్ట్రోక్స్..’ డైలాగ్ పై విమర్శలు.. ‘కొరియన్ కనకరాజు’ టీమ్ క్లారిటీ ఇది