మహేష్ 23 మూవీ కోసం మరోసారి పాట రాసిన విశ్వ

సూపర్ స్టార్ మహేష్ బాబు సినీ కెరీర్ లో అతడు, దూకుడు చిత్రాలకు ప్రత్యేక స్థానం ఉంది.  సూపర్ హిట్ గా నిలిచినా ఈ చిత్రాల్లో పాటలన్నీ సక్సస్. ముఖ్యంగా ఇంట్రో సాంగ్స్ మహేష్ హీరోయిజాన్ని అమాంతం పెంచేస్తాయి. “అదరక బదులే చెప్పటి తెగువకు తోడతడే…  ” , “నీ దూకుడు .. సాటెవ్వడు…” వంటి పాటలు సినిమాల కంటే ముందే సూపర్ హిట్ అయ్యాయి. ఆ పాటలను రాసిన విశ్వ మరోసారి మహేష్ బాబు కోసం ఇంట్రో సాంగ్ రాశారు. ప్రిన్స్, మురుగదాస్ కలయికలో వస్తున్న యాక్షన్ థ్రిల్లర్ మూవీలో ఈ పాట హైలైట్ గా ఉంటుందని సమాచారం. అటు తమిళం, ఇటు తెలుగు రెండు భాషల్లో అదిరిపోయే సాహిత్యాన్ని అందించినట్లు తెలిసింది.

సూపర్ స్టార్ మహేష్ ఇమేజ్ ని దృష్టిలో ఉంచుకొని హరీష్ రాజ్ హుషారైన ట్యూన్ కంపోజ్ చేసినట్లు చిత్ర బృందం వెల్లడించింది. ఈ పాట విశ్వకి మంచి గుర్తింపుని తీసుకొస్తుందని పేర్కొంది.  ఎన్.వి.ప్రసాద్, ఠాగూర్ మధు భారీ బడ్జెట్‌తో నిర్మిస్తోన్న ఈ ద్వి భాషా చిత్రంలో ఫిట్ బ్యూటీ రకుల్ ప్రీత్ హీరోయిన్‌గా నటిస్తోంది. తమిళ డైరక్టర్, నటుడు ఎస్.జె.సూర్య విలన్ గా నటిస్తున్న ఈ మూవీపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.