టాలీవుడ్ సెన్సేషనల్ హీరో విజయ్ దేవరకొండ నటిస్తోన్న లేటెస్ట్ సినిమా ‘లైగర్’. పూరి జగన్నాథ్ పాన్ ఇండియా నేపథ్యంలో ఈ సినిమాను తెరకెక్కిస్తున్నారు. ప్రస్తుతం ఈ సినిమా షూటింగ్ అమెరికాలో జరుగుతోంది. నిజానికి ఈ సినిమా మొదలై చాలా కాలమవుతుంది కానీ కరోనా కారణంగా ఆలస్యమవుతూ వస్తోంది. ఈ సినిమాను ఎప్పుడు రిలీజ్ చేస్తారా..? అని ఆసక్తిగా ఎదురుచూస్తున్నారు అభిమానులు. తాజాగా అందుతున్న సమాచారం ప్రకారం.. ఈ సినిమాను వచ్చే ఏడాది ఏప్రిల్ లో రిలీజ్ చేసే ఛాన్స్ ఉందని తెలుస్తోంది.
అది కూడా ఏప్రిల్ 1 అని ఫిలిం నగర్ వర్గాల సమాచారం. కానీ అదే సమయంలో మహేష్ బాబు సినిమా కూడా రాబోతుంది. పరశురామ్ దర్శకత్వంలో మహేష్ బాబు నటిస్తోన్న ‘సర్కారు వారి పాట’ సినిమాను ముందుగా సంక్రాంతికి రిలీజ్ చేయాలనుకున్నారు. కానీ ఇప్పుడు వాయిదా పడింది. ఏప్రిల్ 1న సినిమాను విడుదల చేయబోతున్నట్లు ప్రకటించారు దర్శకనిర్మాతలు. ఇప్పుడు విజయ్ దేవరకొండ కూడా అదే తేదీన వస్తే మాత్రం క్లాష్ తప్పదు.
మార్కెట్ పరంగా మహేష్ బాబు స్టామినా ఎక్కువ. కానీ యూత్ లో విజయ్ దేవరకొండ సినిమాలకు మంచి డిమాండ్ ఉంది. మహేష్ అయితే ఈ తేదీ నుంచి వెనక్కి తగ్గే ఛాన్స్ లేదనిపిస్తుంది. మరి దేవరకొండ తగ్గుతాడో లేదో చూడాలి!
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
