పవన్‌ అంటే నితిన్‌కి అభిమానం.. ఇంకా చెప్పాలంటే పిచ్చి, నితిన్ అంటే పవన్‌కు వాత్సల్యం. అందుకే అడిగిందే తడవు ఆడియో ఫంక్షన్లకు, ప్రి రిలీజ్‌ ఈవెంట్లకు వస్తుంటాడు… అతన్ని, ఆ సినిమాని ఆశీర్వదిస్తుంటాడు. అలాంటి అనుబంధం వారిద్దరిది. అయితే ఆ అభిమానం మధ్యలో ‘సీజన్‌’ అనే మెలిక రాబోతోందా? అవుననే అంటున్నాయి టాలీవుడ్‌ వర్గాలు. సంక్రాంతి సీజన్‌ తర్వాత రాబోయే ఆసక్తికరమైన సీజన్‌ సమ్మర్‌. ఈ రెండింటి మధ్యలో మార్చి ఎండింగ్‌ ఉంటుంది. ఇప్పుడు ఇండస్ట్రీ లుక్‌ దాని మీద పడింది.
మార్చి ఆఖరు ముఖ్యంగా 26న చాలా సినిమాలు వచ్చేలా కనిపిస్తోంది. ఇప్పటికే నితిన్ ‘రంగ్‌దే’, రానా ‘అరణ్య’ ఆ డేట్‌ని లాక్‌ చేసేశారు. అయితే ఈ రెండు సినిమాలతోపాటు పవన్‌ కూడా అదే డేట్‌పై కన్నేశాడట. చాలా రోజులుగా అభిమానులు ఎదురు చూస్తున్న ‘వకీల్‌సాబ్‌’ను మార్చి 26న విడుదల చేయాలని దిల్‌ రాజు ప్రయత్నాలు చేస్తున్నాడట. ఒకవేళ ఇదే జరిగితే అభిమాని వర్సెస్‌ హీరో జరగనుంది. నిజానికి వకీల్‌సాబ్‌, రంగ్‌దే సంక్రాంతికే తీసుకొద్దాం అనుకున్నారు. కానీ వాయిదా పడ్డాయి.
ఈ నేపథ్యంలో మార్చి 26పై అందరి దృష్టిపడింది. పవన్‌ సినిమా వస్తుందంటే కచ్చితంగా నితిన్ వెనక్కి తప్పుకుంటాడని నెటిజన్లు అంచనా వేస్తున్నారు. అయితే అభిమాని కోసం పవనే దారిచ్చేస్తాడని కూడా కొన్ని వాదనలు వినిపిస్తున్నాయి. ఒకవేళ నితిన్ తప్పుకుంటే ఆ రోజు పోటీ ‘బిల్లా రంగా’ మధ్య ఉండబోతోంది. అదేనండి పవన్‌ – రానా మధ్య అన్నమాట. అంటే ‘అయ్యప్పనుమ్‌ కొషియమ్‌’ రీమేక్‌ కంటే ముందే పవన్‌ – రానా పోటాపోటీగా దిగబోతున్నారు. చూద్దాం ఇంకా కాస్త సమయం ఉంది కదా.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
