Pawan Kalyan: బాహుబలిని మించి పవన్ మూవీ.. హై వోల్టేజ్ ఫైట్లతో..?

స్టార్ హీరో పవన్ కళ్యాణ్, దగ్గుబాటి రానా ప్రధాన పాత్రల్లో తెరకెక్కుతున్న అయ్యప్పనుమ్ కోషియమ్ రీమేక్ పై ప్రేక్షకుల్లో భారీగా అంచనాలు నెలకొన్న సంగతి తెలిసిందే. పింక్ రీమేక్ వకీల్ సాబ్ తో బ్లాక్ బస్టర్ హిట్ సాధించిన పవన్ అయ్యప్పనుమ్ కోషియమ్ రీమేక్ తో మరో విజయాన్ని సొంతం చేసుకుంటారని పవన్ ఫ్యాన్స్ భావిస్తున్నారు. త్రివిక్రమ్ శ్రీనివాస్ ఈ సినిమా కథ, కథనంలో కీలక మార్పులు చేయడంతో పాటు ఈ సినిమాకు మాటల రచయితగా వ్యవహరిస్తున్నారు.

అయ్యప్పనుమ్ కోషియమ్ రీమేక్ లో పవన్, రానా పవర్ ఫుల్ పాత్రల్లో కనిపించనున్నారు. పవన్ ఈ సినిమాలో పోలీస్ ఆఫీసర్ రోల్ లో నటిస్తుండగా రానా మాజీ సైనికుడిగా కనిపించనున్నారు. సినిమాలో పవన్, రానా మధ్య హై వోల్టేజ్ ఫైట్ ఉంటుందని ఆ ఫైట్ సినిమాకే హైలెట్ గా నిలుస్తుందని తెలుస్తోంది. ప్రస్తుతం ఈ ఫైట్ సీన్ షూటింగ్ జరుగుతోందని కోలీవుడ్ సినిమాలకు స్టంట్ మాస్టర్ గా వ్యవహరించిన దిలీప్ సుబ్బరాయన్ ఈ సినిమాకు స్టంట్ మాస్టర్ గా వ్యవహరిస్తున్నారని సమాచారం.

పవన్ కళ్యాణ్ దిలీప్ సుబ్బరాయన్ పనితనాన్ని మెచ్చి ఆయనను ప్రశంసించారని తెలుస్తోంది. అయ్యప్పనుమ్ కోషియమ్ రీమేక్ లో ఫైట్లు పవన్ గత సినిమాలకు భిన్నంగా ఉంటాయని తెలుస్తోంది. ఫైట్ల విషయంలో బాహుబలి సినిమాకు అయ్యప్పనుమ్ కోషియమ్ రీమేక్ ఏ మాత్రం తగ్గదని సమాచారం. ఈ ఏడాది సెకండాఫ్ లో ఈ సినిమా రిలీజ్ కానుండగా రిలీజ్ డేట్ కు సంబంధించిన ప్రకటన రావాల్సి ఉంది. ఈ సినిమాతో పాటు పవన్ కళ్యాణ్ క్రిష్ డైరెక్షన్ లో తెరకెక్కుతున్న హరిహరవీరమల్లు సినిమాలో కూడా నటిస్తున్నారు. ఏడాదికి రెండు సినిమాలు రిలీజ్ అయ్యే విధంగా పవన్ కళ్యాణ్ కెరీర్ ను ప్లాన్ చేసుకుంటున్నారని తెలుస్తోంది.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!