యంగ్ టైగర్ జూనియర్ ఎన్టీఆర్, రామ్ చరణ్ కాంబినేషన్ లో తెరకెక్కుతున్న ఆర్ఆర్ఆర్ మూవీపై భారీగా అంచనాలు నెలకొన్న సంగతి తెలిసిందే. ఈ సినిమా 2022 సంవత్సరం జనవరి 8వ తేదీకి వాయిదా పడినట్లు ఇండస్ట్రీ వర్గాల్లో వినిపిస్తోంది. దాదాపుగా అదే డేట్ ఫిక్స్ కావచ్చని త్వరలోనే ఈ సినిమాకు సంబంధించిన అధికారిక ప్రకటన అయితే రావచ్చని సమాచారం. సంక్రాంతికి ఇప్పటికే భీమ్లా నాయక్ మూవీ ఫిక్స్ అయిన సంగతి తెలిసిందే.
మిగతా సినిమాలు రిలీజ్ డేట్లు మార్చుకున్నా భీమ్లానాయక్ మాత్రం సంక్రాంతికే గ్యారంటీగా రిలీజ్ కానుందని పవన్, రాజమౌళి మూవీ మధ్య పోటీ తప్పదని సమాచారం. భీమ్లా నాయక్ రిలీజ్ డేట్ విషయంలో గాసిప్స్ వైరల్ అవుతున్న నేపథ్యంలో త్వరలో పోస్టర్ల ద్వారా రిలీజ్ డేట్ కు సంబంధించి స్పష్టత ఇవ్వాలని మేకర్స్ భావిస్తున్నట్టు తెలుస్తోంది. ఆర్ఆర్ఆర్, భీమ్లా నాయక్ విడుదలైతే కలెక్షన్ల విషయంలో ఒక సినిమాపై మరొక సినిమా ప్రభావం పడే అవకాశం ఉంటుంది.
సంక్రాంతి పండుగకు ఎల్లప్పుడూ రెండు పెద్ద సినిమాలకు చోటు ఉంటుంది కాబట్టి ఆర్ఆర్ఆర్, భీమ్లా నాయక్ రిలీజైనా సమస్య కాదని సినీ విశ్లేషకులు భావిస్తున్నారు. ఆర్ఆర్ఆర్ మూవీ రిలీజ్ డేట్ ను ప్రకటిస్తే తమ సినిమాల రిలీజ్ డేట్లను ఫిక్స్ చేయాలని ఆచార్య, అఖండ మేకర్స్ భావిస్తున్నారు. మరోవైపు కరోనా థర్డ్ వేవ్ వస్తే రిలీజ్ డేట్ల విషయంలో కొత్త సమస్యలు ఎదురయ్యే అవకాశాలు అయితే ఉన్నాయి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home