మంచు హీరోలు ఒంటరిగా వచ్చినా.. కలిసి వచ్చినా వారికి కాలం మాత్రం కలిసి రావడం లేదు. ఎంత కష్టపడినా విజయం మాత్రం దరికి చేరడం లేదు. ఈ బాధ పడలేక మంచు మనోజ్ నటనకు కాసేపు బ్రేక్ ఇచ్చారు. విష్ణు పదేళ్ల క్రితం ఢీ సినిమాతో బాక్స్ ఆఫీస్ ని డీ కొట్టారు. ఆ తర్వాత మంచి హిట్ కొట్టలేకపోయారు. రీసెంట్ గా వచ్చిన ఆచారి యాత్ర కూడా ఘోరంగా ఫ్లాప్ అయింది. దీంతో విష్ణు ఓటర్ అనే సినిమాపై ఆశలు పెట్టుకున్నారు. ఫస్ట్ లుక్ పోస్టర్ కూడా రిలీజ్ చేశారు. జిఎస్ కార్తీక్ దర్శకత్వం వహిస్తున్న సినిమాని తమిళంలో కురాల్ 388 పేరుతో రిలీజ్ చేయాలనీ భావించారు.
హీరోయిన్ గా సురభి, సంగీతదర్శకుడిగా ఎస్ ఎస్ థమన్ ఈ ప్రాజక్ట్ లో భాగమయ్యారు. అయితే ఈ సినిమా గురించి కొన్నిరోజులుగా ఎటువంటి సమాచారం రావడం లేదు. షూటింగ్ జరుగుతోందా? ఆగిపోయిందా? అనే విషయంలోనూ క్లారిటీ ఇచ్చేందుకు చిత్ర బృందం అందుబాటులో లేదు. విష్ణుని అయినా అడగదామనుకుంటే అతను కూడా కనిపించడం లేదు. సోషల్ మీడియాలోను యాక్టివ్ గా లేరు. దీంతో ఈ సినిమా ఆగిపోయినట్టేనని సినీ విశ్లేషకులు అంచనా వేస్తున్నారు. ఎన్నికలకి రెండు నెలల ముందు రిలీజ్ చేయవచ్చని అనుమానం లేకపోలేదు.
Home