ఏంటీ… నాగచైతన్య, సమంత కలసి వెబ్ సిరీస్‌ చేశారా? ఎప్పుడు చేశారు అనే డౌట్‌ మీకు రావొచ్చు. కానీ ఇక్కడ ఉద్దేశం ఇద్దరూ కలసి చేసిన వెబ్ సిరీస్‌ అని కాదు. ఇద్దరూ వేర్వేరుగా వారి దారిలో చేసిన వెబ్ సిరీస్లు అన్నమాట. వరుస సినిమాలు చేసిన సమంత ఇప్పుడు రెస్ట్‌ తీసుకుంటుండగా, రెస్ట్‌ తర్వాత నాగచైతన్య కొత్త సినిమా పనులు మొదలుపెట్టాడు. అయితే కొన్ని నెలల క్రితం వీరు చేసిన వెబ్ సిరీస్లు ఏమయ్యాయ్‌… ఇంకా ఎందుకు రిలీజ్ కాలేదు అనేదే ఇక్కడ ప్రశ్న.
మీకు గుర్తుండి ఉంటే.. (Chaitanya) నాగచైతన్య – విక్రమ్‌ కె కుమార్‌ కాంబినేషన్‌లో ఓ వెబ్ సిరీస్‌ తెరకెక్కించింది. ‘దూత’ అనే పేరుతో రూపొందిన ఆ వెబ్ సిరీస్‌ తెరకెక్కించారు. హారర్‌ – థ్రిల్లర్‌ జోనర్‌లో రూపొందిన ఆ వెబ్ సిరీస్‌ చాలా నెలల క్రితమే పూర్తయింది. అయితే ఏమైందో ఏమో ఇప్పటివరకు రిలీజ్ కాలేదు. ఇక సమంత ప్రధాన పాత్రలో రాజ్‌ అండ్ డీకే ‘సిటడెల్‌’ సిరీస్‌ తెరకెక్కించారు. దాని సంగతి కూడా ఇంకా ఏమీ తేలడం లేదు.
పోనీ విజువల్‌ ఎఫెక్ట్స్‌ కోసం ఇన్నాళ్ల సమయం తీసుకుంటున్నారా అంటే ఆ కథలు అలాంటివి కావు కూడా. దీంతో ఏమైందా అనే ప్రశ్న మొదలైంది. ‘దూత’ వెబ్ సిరీస్‌ గురించి అయితే చర్చించుకోవడం స్టార్ట్ చేసి ఏడాది అయ్యింది. గతేడాది దసరాకు ఈ సిరీస్‌ను తీసుకొస్తామని చెప్పారు. ఈ విజయదశమి కూడా వెళ్లిపోయింది. ప్రియాంక చోప్రా ‘సిటడెల్‌’ తేడా కొట్టడంతో ఇండియన్‌ ‘సిటడెల్‌’ లేట్‌ చేస్తున్నారు అనే పుకారు మరొకటి మొదలైంది.
వీటన్నింటికి మించి ఈ రెండు సిరీస్‌లను నిర్మించిన ఆమెజాన్‌ ప్రైమ్‌ ఆలోచనలు మారిపోయాయి అని చెబుతున్నారు. ఓటీటీలు, వెబ్ సిరీస్‌ల బూమ్‌ ఎక్కువగా ఉన్నప్పుడు ఈ సిరీస్‌లను టీమ్ ఓకే చేసిందని, ఇప్పుడు సిరీస్‌లకు అంత ఆదరణ లేదు అని అంటున్నారు. ఈ కారణంగానే కొన్నాళ్లు ఆ వెబ్ సిరీస్‌లను హోల్డ్‌ చేసే ఆలోచనలో ఉన్నారని టాక్‌.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
Home