Allu Arjun: ప్రస్తుతం బన్నీ ఏం చేస్తున్నాడు? వర్క్ స్టార్ట్ చేశాడా?

టాలీవుడ్ ఐకాన్ స్టార్ అల్లు అర్జున్ (Allu Arjun) ఇటీవల “పుష్ప 2: ది రూల్” (Pushpa 2: The Rule) సినిమాతో మరోసారి ప్రేక్షకుల హృదయాలను గెలుచుకున్నారు. ఈ సినిమా ప్రపంచవ్యాప్తంగా భారీ విజయాన్ని అందుకుంది. మొదటి వారం క్లోజింగ్ కలెక్షన్లు 1400 కోట్ల మార్క్ దాటడంతో బాక్సాఫీస్ వద్ద సరికొత్త రికార్డులు నెలకొల్పింది. ఈ విజయంతో బన్నీ కెరీర్ పాన్ ఇండియా స్థాయికి చేరుకుంది. అయితే, ఈ ఘనవిజయానికి ఆనందం వేడుకలు కొనసాగుతున్న వేళ, బన్నీ జీవితం ఊహించని విధంగా వార్తల్లో నిలిచింది.

Allu Arjun

“పుష్ప 2” ప్రీమియర్ షో సందర్భంగా జరిగిన తొక్కిసలాట ఘటనలో పోలీసులు అల్లు అర్జున్‌ను విచారణకు పిలిచిన తర్వాత అరెస్ట్ చేశారు. ఈ వార్త టాలీవుడ్ వర్గాల్లో కలకలం రేపింది. అయినా, హైకోర్టు మధ్యంతర బెయిల్ ఇవ్వడంతో అతి తక్కువ సమయంలోనే ఆయన విడుదలయ్యారు. ఆ రోజు బన్నీ ఇంటికి సినీ ప్రముఖులు పరామర్శలు చేశారు.

ఇటీవల, సోషల్ మీడియాలో బన్నీకి సంబంధించిన ఓ వీడియో వైరల్ అవుతోంది. బ్లాక్ డ్రెస్ ధరించి, చేతిలో బ్యాగ్ పట్టుకుని ఎయిర్‌పోర్ట్ ప్రాంగణంలో నడుస్తున్న ఆయన ఫుటేజ్ అభిమానుల్లో ఆసక్తి రేకెత్తిస్తోంది. వీడియో చూసిన వారంతా బన్నీ “పుష్ప 2” ప్రమోషన్స్‌ను మళ్లీ ప్రారంభించారా? లేక ఇది పాత వీడియోనా అని చర్చించుకుంటున్నారు. అయితే, ఇప్పటి వరకు ఈ వీడియో గురించి అధికారిక క్లారిటీ లేదు.

“పుష్ప 2” సక్సెస్ తర్వాత బన్నీ కెరీర్ మరింత వేగంగా దూసుకుపోతోందని విశ్లేషకులు చెబుతున్నారు. ప్రస్తుతానికి బన్నీ త్రివిక్రమ్ శ్రీనివాస్ దర్శకత్వంలో తెరకెక్కనున్న తన పాన్ ఇండియా ప్రాజెక్ట్ కోసం సిద్ధమవుతున్నట్లు సమాచారం. ఇదే సమయంలో బన్నీ పుష్ప సక్సెస్ లో భాగంగా ప్రమోషన్స్‌ను కొనసాగిస్తూనే, తన నెక్స్ట్ ప్రాజెక్ట్ స్క్రిప్ట్ వర్క్‌ను కూడా పర్యవేక్షిస్తున్నట్లు టాక్. అయితే ఆన్‌లైన్‌లో వైరల్ అవుతున్న వీడియో బన్నీ త్వరలో వర్క్ మోడ్‌లోకి వచ్చినట్లు స్పష్టం చేస్తోంది.

#AlluArjun back in #workmode #PushpaTheWildFire #Pushpa3TheRampage #Pushpa2TheRule pic.twitter.com/KdRFWibLKF

— BollyHungama (@Bollyhungama) December 18, 2024

కీర్తి సురేష్ రెమ్యునరేషన్.. బాలీవుడ్ లో డబుల్?