NTRxTrivikram: ముందు అనిరుథ్ పేరు వేసి.. తర్వాత తమన్ ని పట్టుకొస్తారా?

మాటల మాంత్రికుడు త్రివిక్రమ్ దర్శకత్వంలో ఎన్టీఆర్(NTRxTrivikram) హీరోగా ‘అరవింద సమేత’ తర్వాత ఓ భారీ పాన్ ఇండియా సినిమా రూపొందనుంది. నిన్ననే అధికారిక ప్రకటన వచ్చింది. మొదటిసారి త్రివిక్రమ్ పాన్ ఇండియా లీగ్లోకి అడుగుపెట్టబోతున్నాడు. ‘హారిక అండ్ హాసిని క్రియెషన్స్’ బ్యానర్ పై సూర్యదేవర రాధాకృష్ణ ఈ చిత్రాన్ని నిర్మించనున్నారు. ఈ ప్రెస్టీజియస్ ప్రాజెక్టుకి అనిరుథ్ సంగీత దర్శకుడిగా ఎంపికయ్యాడు.

NTRxTrivikram

వాస్తవానికి ‘అరవింద సమేత’ నుండి త్రివిక్రమ్.. సంగీత దర్శకుడు తమన్ తో ట్రావెల్ చేస్తూ వస్తున్నాడు. ‘అల వైకుంతపురములో’ ‘గుంటూరు కారం’ సినిమాలకి కూడా తమన్ సంగీతం అందించాడు. వాటిల్లో ‘అల వైకుంతపురములో’ సినిమాకి తమన్ బెస్ట్ మ్యూజిక్ ఇచ్చాడు. ‘గుంటూరు కారం’ పాటలు, బ్యాక్ గ్రౌండ్ స్కోర్ కూడా తీసిపారేసే విధంగా ఏమీ ఉండవు.

అయితే ‘ఆదర్శ కుటుంబం’ సినిమాకి ఎందుకో హర్షవర్దన్ రామేశ్వర్ ను సంగీత దర్శకుడిగా ఎంపిక చేసుకున్నారు.ఈ విషయం పై తమన్ స్పందించడం జరిగింది. ‘నేను త్రివిక్రమ్ గారు బ్రేక్ తీసుకోవాలనుకుంటున్నాం’ అని ఓ సందర్భంలో క్లారిటీ ఇచ్చాడు. కానీ మళ్ళీ ఏమైందో ఏమో ‘ఆదర్శ కుటుంబం’ కి తమన్ ని తీసుకొచ్చారు. ఇక్కడ ఇంకో ట్విస్ట్ ఏంటంటే.. ‘గాడ్ ఆఫ్ వార్’ కి కచ్చితంగా తమన్ ను సంగీత దర్శకుడిగా తీసుకుంటారని అంతా అనుకున్నారు.

ఇటీవల ఓ సందర్భంలో ‘మీరు ఫుల్ లెంత్ మైథాలజీ సినిమాకి ఎప్పుడు పనిచేస్తారు’ అని అడిగితే ‘త్వరలోనే అనౌన్స్మెంట్ వస్తుంది’ అంటూ పరోక్షంగా ‘గాడ్ ఆఫ్ వార్’ గురించి హింట్ ఇచ్చాడు తమన్. కానీ కట్ చేస్తే నిన్న ఇచ్చిన అనౌన్స్మెంట్లో సంగీత దర్శకుడిగా అనిరుథ్ పేరు ఉంది. ఇక్కడ ఇంకో క్లారిటీ కూడా రావాల్సి ఉంది. అనిరుథ్ ని సంగీత దర్శకుడిగా కంటిన్యూ చేస్తారా? లేక తప్పించి మళ్ళీ తమన్ ని పట్టుకొస్తారా? అనే డౌట్ చాలా మందిలో ఉంది.

ఎందుకంటే అనిరుథ్ కి ఇప్పటివరకు మైథాలజీ సినిమాకి పనిచేసిన అనుభవం లేదు. ఆ మాటకొస్తే తమన్ కి కూడా లేదు. కానీ గతంలో ‘అరవింద సమేత’ కి కూడా మొదట అనిరుథ్ ని సంగీత దర్శకుడిగా ఎంపిక చేసుకున్నారు.కానీ తర్వాత డిస్ట్రిబ్యూటర్స్ సలహా మేరకు అనిరుథ్ ని తప్పించి.. తమన్ ని పట్టుకొచ్చారు. తర్వాత అనిరుథ్ డేట్స్ ని ‘జెర్సీ’కి వాడుకున్నారు. ఈసారి కూడా అలాగే జరుగుతుందా? లేక ‘మురుగన్’ కథాంశం కాబట్టి… అనిరుథ్ ని తమిళ మార్కెట్ కోసం కంటిన్యూ చేస్తారా? అనేది తెలియాల్సి ఉంది.

బాలీవుడ్ నటుడితో డేటింగ్లో ఉన్న తెలుగమ్మాయి