సలార్: పార్ట్ 1 – సీజ్ ఫైర్ (Salaar) భారీ అంచనాలతో రిలీజ్ అయ్యి, బాక్సాఫీస్ దగ్గర కమర్షియల్ హిట్‌గా నిలిచిన విషయం తెలిసిందే. వసూళ్ల పరంగా బాహుబలి (Baahubali) స్థాయికి వెళ్లకపోయినా, స్ట్రీమింగ్ ప్లాట్‌ఫామ్స్‌లో మాత్రం హిందీ వెర్షన్‌ 300 రోజులకు పైగా ట్రెండింగ్‌లో నిలవడం దీని క్రేజ్‌కు నిదర్శనం. అయితే మొదటి భాగంలో అనేక ప్రశ్నలు అనుహ్యంగా ఓపెన్ ఎండెడ్‌గా ఉండటంతో, ఫ్యాన్స్ శౌర్యంగపర్వం కోసం ఆసక్తిగా ఎదురుచూస్తున్నారు. కానీ ఈ సీక్వెల్ షూటింగ్ ఎప్పటి నుంచి ప్రారంభమవుతుందన్నది ఇప్పటివరకు క్లారిటీ లేదు.
ఈ అనుమానాలకు నేరుగా పృథ్విరాజ్ సుకుమారన్ (Prithviraj Sukumaran) సమాధానం ఇచ్చారు. ఆయన మాటల ప్రకారం, సలార్ 2 ప్రారంభమయ్యే ముందు ఎన్టీఆర్ (Jr NTR) – ప్రశాంత్ నీల్ మూవీ పూర్తవ్వాల్సి ఉంది. ఈ సినిమాకు సంబంధించి ఇప్పటికే 2026 సంక్రాంతికి రిలీజ్ అనౌన్స్ చేశారు. కానీ అనుకున్న టైమ్‌లో రాబోతోందా? అంటే డౌట్ గానే కనిపిస్తోంది. ఎందుకంటే, ప్రశాంత్ నీల్ (Prashanth Neel) సినిమాల రేంజ్ గ్రాండ్‌గా, హై వాల్యూస్‌తో ఉంటాయి. అందుకే కేవలం 11 నెలల్లో షూటింగ్, పోస్ట్ ప్రొడక్షన్, ప్రమోషన్స్ అన్నీ పూర్తి చేయడం చాలా కష్టమైన పని.
ఇక ఎన్టీఆర్ ప్రాజెక్ట్ ప్రోగ్రెషన్‌ను గమనిస్తే, అతనికి వార్ 2 షూటింగ్ ఇంకా బ్యాలెన్స్ ఉంది. ఈ సినిమా ప్రమోషన్స్‌లో జూలై 2025 నుంచి ఎన్టీఆర్ బిజీ అవ్వాల్సి ఉంటుంది. అంటే ఆ సమయంలో ప్రశాంత్ నీల్ మూవీకి బ్రేక్ పడే అవకాశం ఉంది. అలా చూసుకుంటే ఈ సినిమా పూర్తయ్యేందుకు చాలా సమయం పడుతుంది. అదే జరిగితే, సలార్ 2, 2026 మధ్యలో మొదలుపెట్టి, 2027 విడుదల చేసే అవకాశం ఉంటుంది.
ప్రశాంత్ నీల్ పర్ఫెక్షన్ కోసం రాజీ పడే వ్యక్తి కాదు. కాబట్టి మరింత డీలే అవ్వొచ్చు. ఇంకా ఈ ప్రాజెక్ట్‌కి సంబంధించి ముఖ్యమైన నటుల డేట్స్ ఫిక్స్ చేయలేదు. ముందుగా షూటింగ్ స్టార్ట్ చేస్తామంటూ అనౌన్స్ చేసిన తర్వాతే కాల్ షీట్లు చూసుకుంటారు. అందువల్ల సలార్ 2 (Salaar 2) కోసం ఫ్యాన్స్ ఇప్పుడప్పుడే ఎదురుచూడటం మానేస్తే బెటర్. అధికారిక ప్రకటన వచ్చే వరకు వెయిటింగ్ మోడ్‌లో ఉండడమే బెటర్.
Home
