‘ఆర్.ఆర్.ఆర్’ : ఆ మాత్రం చూసుకోకుండా అన్నేళ్ళు ఏం చేశావ్ రాజమౌళి..!

May 26, 2022 / 11:10 PM ISTByFilmy Focus

Join Us

‘ఆర్.ఆర్.ఆర్’ : ఆ మాత్రం చూసుకోకుండా అన్నేళ్ళు ఏం చేశావ్ రాజమౌళి..!

‘బాహుబలి'(సిరీస్) తర్వాత దర్శకధీరుడు రాజమౌళి నుండీ వచ్చిన మూవీ ‘ఆర్.ఆర్.ఆర్’. ఇద్దరు బడా స్టార్ హీరోలు అయిన ఎన్టీఆర్, రాంచరణ్ లు ఈ మూవీలో నటించారు. దీంతో సినిమా షూటింగ్ ఆరంభ దశ నుండే భారీ క్రేజ్ ను సొంతం చేసుకుంది. లేట్ అయ్యే కొద్దీ సినిమా పై భారీ అంచనాలు పెరిగాయి.’బిగ్గర్ దేన్ బాహుబలి’ అంటూ రాజమౌళి విడుదలకి ముందు ఇచ్చిన హై కూడా ఓ రేంజ్లో వర్కౌట్ అయ్యింది.

కానీ సినిమా ‘బాహుబలి2’ కలెక్షన్లను అధిగమించలేకపోయింది. అయితే రాజమౌళి, ఎన్టీఆర్, రాంచరణ్ ల క్రేజ్ తో ఈ మూవీ బాగానే క్యాష్ చేసుకుంది.దాదాపు రూ.1150 కోట్ల వరకు గ్రాస్ కలెక్షన్లను సాధించింది. ఇటీవల ఈ చిత్రం ఓటిటిలో కూడా రిలీజ్ అయ్యింది. మే 20న ఎన్టీఆర్ పుట్టిన రోజు నాడు ఈ మూవీ ఓటీటీలోకి అందుబాటులోకి వచ్చింది. దీంతో మళ్ళీ ప్రేక్షకులు ఈ మూవీని స్మాల్ స్క్రీన్స్ లో కూడా చూసి తెగ ఎంజాయ్ చేస్తున్నారు.

అయితే సోషల్ మీడియాలో కోడిగుడ్డు మీద ఈకలు వెతికే రకాల జనాలు కొంతమంది ఉంటారన్న సంగతి తెలిసిందే. వాళ్ళు ఆర్.ఆర్.ఆర్ మూవీకి రోజుకో వంక పెడుతున్నారు. మొన్నటికి మొన్న ఎన్టీఆర్ వాడిన బైక్ కు రెండు రకాల నెంబర్లు ఉన్నాయి అంటూ ట్రోల్ చేశారు. ఇప్పుడు వాళ్ళు ఇంకో మిస్టేక్ ను కూడా కనిపెట్టి వైరల్ చేస్తున్నారు. అదేంటి అంటే.. ఈ సినిమాలో ఎన్టీఆర్ సరసన నటించిన ఒలీవియా మోరిస్ కు… అలాగే చరణ్, ఎన్టీఆర్ లకు మధ్య ఓ సన్నివేశం ఉంటుంది.

ఈ సీన్ బ్యాక్ గ్రౌండ్లో తారక్ అని ఎవరో పిలుస్తున్నట్టు వినిపిస్తుంది. థియేటర్ లో చూసినప్పుడు బహుశా దీనిని ఎవరూ గమనించి ఉండకపోవచ్చు. కానీ ఓటిటిలోకి వచ్చేసరికి ప్రేక్షకులు రిపీట్స్ చూస్తారు కాబట్టి ఇలాంటి మిస్టేక్స్ బయటపడతాయి.బహుశా ఎడిటింగ్ లోపం అని కొంతమంది అంటుంటే, ‘అన్నేళ్ళు తీసావ్ కదా చూసుకోలేదా రాజమౌళి’ అంటూ మరి కొంతమంది కామెంట్లు చేస్తున్నారు. మరో సన్నివేశంలో అయితే పులి, నక్కలు ఒకే చోట ఉన్నాయట. అలా ఎలా కలిసున్నాయి.. పులి వాటిని చంపేయదా అని కూడా అంటున్నారు.