సోషల్ మీడియాలో Samantha RuthPrabhu అని ఉన్న పేరును పెళ్లి తరవ్ఆత Samantha Akkineniగా మార్చుకుంది సమంత. ఆ తర్వాత ఏమైందో తెలియదు కానీ జూలై ఆఖరులో కేవలం S అని మార్చుకుంది. ఇప్పుడు ఇదంతా ఎందుకు అనుకుంటున్నారా? ఇక్కడే ఉంది అసలు పాయింట్. శుక్రవారం సాయంత్రం సమంత ఓ పోస్ట్ చేసింది. అందులో ‘నన్ను ఒంటరిగా వదిలేయండి… నాకు అఫైర్స్ అంటగట్టొద్దు’ అంటూ ఆవేదనతో రాసుకొచ్చింది. దీంతో ‘అయ్యో అందరూ సమంతనే ఆడిపోసుకుంటున్నారుగా’ అనే మాటలు మొదలయ్యాయి. ఇక్కడ గమనించాల్సిన అంశాలు రెండున్నాయి.
ఒకటి…. సమంత – నాగచైతన్య విడిపోతున్నారు అనే విషయం బయటికి వచ్చింది సమంత వైపు నుండే అనేది గుర్తుకు తెచ్చుకోవాలి. ఆగస్టు, సెప్టెంబరు… అంటే సుమారు 60 రోజులు ఎక్కడ చూసినా ఇదే చర్చ. ‘సమంత , చైతు విడిపోతున్నారు. అందుకే సామ్ సోషల్ మీడియాలో పేరు మార్చుకుంది’ అంటూ రకరకాల చర్చలు, కామెంట్లు నడిచాయి. అవన్నీ అప్పుడు సమంత దృష్టికి వచ్చే ఉంటాయి. కనీసం ఆమె దృష్టికి రాకపోయినా ఆమె వ్యక్తిగత సహాయకుడు జుకల్కర్ అయినా చూసే ఉంటాడు.
రెండోది… విడాకులు ప్రకటన తర్వాత సమంత స్టేటస్ల్లో వరుస పోస్టులు పెడుతూ ఉంది. ‘అందరూ తననే అంటున్నారని, తన తప్పేం లేదని’ తెలిపేలా ఆ పోస్టుల్లో రాసుకొస్తోంది. చాలామంచి పని చేసింది కూడా. విమర్శకుల నోరు మూయించడానికి ఇప్పుడు చేసి పని… ఆ 60 రోజుల్లో ఒక్కసారి కూడా చేయలేదేం. ఇలాంటి ట్వీట్ లేదంటే మరోలాంటి ట్వీట్ చేసుంటే అసలు విడాకులు రూమర్లు వచ్చేవి కావుగా. సమంత – నాగచైతన్య ఎందుకు విడిపోయారు అనేది ఎవరికీ తెలియదు.
బయట ఎవరికి వారు.. వాళ్లకు తెలిసింది రాసుకొస్తున్నారు. చెప్పుకుంటున్నారు. నాగచైతన్య తరఫు నుండి ఏ హీరో కానీ, హీరోయిన్ కానీ సపోర్టు చేస్తూ మాట్లాడింది లేదు. సమంత తరఫు నుండి కంగన రనౌత్, మాధవీలత, వనిత విజయ్ కుమార్, చిన్మయి లాంటి వాళ్లు ఇప్పటికే గళమెత్తారు. ‘విడిపోవడం వాళ్ల మా విషయం అని అంటున్నప్పుడు… సమంతను సపోర్టు చేసి మాట్లాడటమూ తప్పే కదా’. కాబట్టి ఈ రచ్చంతా ‘ఎవరు మొదలెట్టారు సమంతా?’.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
