Prabhas, Maruthi: ప్రభాస్- మారుతి ప్రాజెక్టు.. అతను ఓకే అంటేనే అనౌన్స్మెంట్ లేదంటే??

October 13, 2023 / 03:30 PM ISTByFilmy Focus

Join Us

Prabhas, Maruthi: ప్రభాస్- మారుతి ప్రాజెక్టు.. అతను ఓకే అంటేనే అనౌన్స్మెంట్ లేదంటే??

పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నారు. ‘సలార్’ డిసెంబర్ 22 కి రిలీజ్ కానుంది. తర్వాత ‘ప్రాజెక్ట్ కె’ వస్తుంది. ‘సలార్’ కి రెండో పార్ట్ కూడా ఉంది. అది ఎప్పుడు మొదలుపెడతారు? అనేది సస్పెన్స్. అయితే ఈ రెండు ప్రాజెక్టులతో పాటు ప్రభాస్.. మారుతి ప్రాజెక్టును కూడా లైన్లో పెట్టాడు. కొంత భాగం షూటింగ్ కూడా జరిగింది. ‘పీపుల్ మీడియా ఫ్యాక్టరీ’ సంస్థ ఈ చిత్రాన్ని నిర్మిస్తోంది. అయితే ఈ ప్రాజెక్టుకు సంబంధించిన అనౌన్సమెంట్ ఇంకా రాలేదు.

దానికి కారణం ఏంటని అడిగితే నిర్మాతలు సరైన సమాధానం చెప్పలేదు. ఇక మారుతీ అయితే .. ‘ ప్రభాస్ ఇప్పుడు చాలా ప్రాజెక్టులకి కమిట్ అయ్యారు. వాళ్ళు కన్ఫ్యూజ్ అవ్వకూడదు అని మంచి ముహూర్తం కోసం ఎదురుచూస్తున్నట్టు’ వివరణ ఇచ్చాడు. కానీ అసలు కారణం వేరు. ‘ఈ ప్రాజెక్టుని ఇంకా అనౌన్స్ చేయొద్దు’ అంటూ స్వయంగా ప్రభాస్ మేకర్స్ తో మాట తీసుకున్నాడట. మారుతీ ప్రాజెక్టుని అనౌన్స్ చేస్తే..

తన మిగిలిన ప్రాజెక్టుల గురించి అభిమానుల్లో ఆసక్తి సన్నగిల్లుతుంది అని (Prabhas) ప్రభాస్ చెప్పాడట. అందుకే మేకర్స్ ఇప్పటివరకు సైలెంట్ గా ఉన్నారు. అయితే ప్రభాస్ కి పీపుల్ మీడియా వారికి మధ్య మంచి అనుబంధం ఏర్పడింది. ‘ఆదిపురుష్’ రైట్స్ ను వాళ్ళే కొనుగోలు చేశారు. తెలుగులో వాళ్ళే రిలీజ్ చేసుకోవడం జరిగింది. ‘సలార్’ రైట్స్ ను కూడా వారు తీసుకునే అవకాశాలు ఉన్నాయి.