Mahesh Babu, Pawan Kalyan: మహేష్ అన్ని సార్లు ట్వీట్ చేసినా పవన్ మాత్రం ఎందుకో సైలెంట్..!

నిన్న అంటే ఆగష్ట్ 9న టాలీవుడ్ సూపర్ స్టార్ మహేష్ బాబు పుట్టినరోజు. ఈ నేపథ్యంలో టాలీవుడ్ సెలబ్రిటీలు అందరూ పెద్ద ఎత్తున మహేష్ కు పుట్టినరోజు శుభాకాంక్షలు తెలిపారు. ఈ లిస్ట్ లో చిరు,చరణ్,ఎన్టీఆర్ వంటి స్టార్ హీరోలు కూడా ఉన్నారు. టాలీవుడ్ నుండే కాదు పరభాషా స్టార్ హీరోలు, హీరోయిన్లు కూడా మహేష్ కు పుట్టినరోజు శుభాకాంక్షలు చెప్పారు. ఈ లిస్ట్ లో మమ్ముట్టి, మోహన్ లాల్ వంటి బడా స్టార్లు కూడా ఉన్నారు. అయితే టాలీవుడ్ నుండీ పవన్ కళ్యాణ్ మాత్రం మహేష్ బాబుకి పుట్టినరోజు శుభాకాంక్షలు చెప్పకపోవడం ఇప్పుడు చర్చనీయాంశం అయ్యింది.

క్రేజ్ విషయంలో ఇద్దరూ ఒకరికి ఒకరు తీసిపోరు. పైగా ఈ ఇద్దరి మధ్య మంచి సాన్నిహిత్యం కూడా ఉందనేది ఇండస్ట్రీ మాట. అయితే పవన్ పుట్టినరోజు వచ్చినా అతని సినిమాలు రిలీజ్ అయ్యి సూపర్ హిట్ అయినా.. ఒక్క మహేష్ బాబే స్పందిస్తున్నాడు తప్ప పవన్ స్పందించడం లేదు.గతేడాది పవన్ కళ్యాణ్ పుట్టినరోజు సందర్భంగా మహేష్.. ట్విట్టర్ ద్వారా పవన్ కళ్యాణ్ కు పుట్టినరోజు శుభాకాంక్షలు చెప్పాడు.అప్పుడు పవన్ రిప్లై ఇచ్చాడు. పవన్ కు కరోనా వచ్చినప్పుడు కూడా.. అతను త్వరగా కోలుకోవాలని మహేష్ ట్వీట్ చేసాడు. ఇక ‘వకీల్ సాబ్’ సినిమా బాగుందని కూడా మహేష్ ట్వీట్ చేయడం జరిగింది.

అయితే పవన్ మాత్రం ఇప్పటివరకు ఒక్కసారి కూడా మహేష్ బాబు విషయంలో స్పందించింది ఏమీ లేదు. ‘పవన్ ఎలాగు సినిమాలను పట్టించుకోడు’ అని చాలా సందర్భాల్లో చెప్పాడు. కాబట్టి మహేష్ సినిమాలు చూస్తాడని చెప్పలేము.అది పక్కన పెట్టినా.. పవన్ కు ఇప్పుడు ఖాళీ సమయం దొరికింది. ‘ఎకె రీమేక్’ షూటింగ్ నుండీ కొంత గ్యాప్ దొరకడంతో అతను రిలాక్స్ అవుతున్నాడు. మరో పక్క రాజకీయ వ్యవహారాలు కూడా ఇప్పట్లో ఏమీ లేవు. అయినా సోషల్ మీడియాలో ఓ ట్వీట్ వేసింది లేదు. బహుశా.. మహేష్ కు పర్సనల్ గా కాల్ చేసి పుట్టినరోజు శుభాకాంక్షలు చెప్పి ఉంటాడేమో..! అయినప్పటికీ దీని పై చర్చ జరుగుతుండడం గమనార్హం.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!