తెలుగులో క్లాస్ సినిమాలను ఎక్కువగా తెరకెక్కించి దర్శకునిగా హను రాఘవపూడి మంచి గుర్తింపును సొంతం చేసుకున్నారు. అందాల రాక్షసి, కృష్ణగాడి వీర ప్రేమగాథ సినిమాలతో విజయాలను సొంతం చేసుకున్న హను రాఘవపూడి లై, పడిపడి లేచే మనసు సినిమాలతో ఫ్లాపులను చవిచూశారు. అయితే ఈ డైరెక్టర్ అఖిల్ తో ఒక సినిమాను తెరకెక్కించే ప్రయత్నాలు చేస్తున్నారని ఇప్పటికే అఖిల్ కు కథ చెప్పారని ఇండస్ట్రీ వర్గాల్లో వినిపిస్తోంది. అఖిల్ నటించిన మోస్ట్ ఎలిజిబుల్ బ్యాచిలర్ సినిమా రిలీజ్ కు సిద్ధంగా ఉండగా ఏజెంట్ సినిమా షూటింగ్ జరుపుకుంటోంది.
హను రాఘవపూడి అఖిల్ తో అందమైన ప్రేమకథను తెరకెక్కించే ప్రయత్నాలు చేస్తున్నారని సమాచారం. అయితే ఈ ప్రాజెక్ట్ కు సంబంధించి అధికారిక ప్రకటన వెలువడాల్సి ఉంది. సినిమాసినిమాకు గ్యాప్ వస్తుండటంతో అఖిల్ ఇకపై వేగంగా సినిమాలు చేయాలని భావిస్తున్నారు. అయితే ఈ మధ్య కాలంలో హను రాఘవపూడి డైరెక్షన్ లో వచ్చిన సినిమాలు సక్సెస్ సాధించకపోవడంతో అఖిల్ హను రాఘవపూడి కాంబినేషన్ సినిమా విషయంలో అఖిల్ ఫ్యాన్స్ కంగారు పడుతున్నారు.
త్వరలో ఈ సినిమాకు సంబంధించి స్పష్టత రానుంది. పడిపడి లేచే మనస్సు సినిమా తర్వాత కొంతకాలం గ్యాప్ తీసుకున్న హను రాఘవపూడి ఈ సినిమాతో కచ్చితంగా సక్సెస్ సాధించాల్సి ఉంది. టాలెంట్ ఉన్న డైరెక్టర్ అయినప్పటికీ వరుస ఫ్లాపులు హను రాఘవపూడి కెరీర్ కు శాపంగా మారాయి. మేకర్స్ స్పందిస్తే మాత్రమే ఈ సినిమా గురించి నిజానిజాలు తెలిసే అవకాశం ఉంది. నానికి కృష్ణగాడి వీర ప్రేమగాథతో హిట్ ఇచ్చిన హను రాఘవపూడి అఖిల్ కోసం ఎలాంటి ప్రేమకథను సిద్ధం చేశారో తెలియాల్సి ఉంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home