Devara: ఇంకో ట్రైలర్ కావాలి ‘దేవర’.. లేకుంటే కష్టం..!

యంగ్ టైగర్ ఎన్టీఆర్  (Jr NTR) , స్టార్ డైరెక్టర్ కొరటాల శివ (Koratala Siva)  కాంబినేషన్లో ‘దేవర’ (Devara) అనే పాన్ ఇండియా చిత్రం రాబోతుంది. గతంలో వీరి కాంబినేషన్లో వచ్చిన ‘జనతా గ్యారేజ్’ (Janatha Garage) మంచి సక్సెస్ అందుకుంది. కాబట్టి కొరటాల శివ తెరకెక్కించిన గత చిత్రం ‘ఆచార్య’ (Acharya) ఫలితంతో సంబంధం లేకుండా ‘దేవర’ పై హైప్ పెరిగింది. దానికి తోడు గ్లింప్స్, విడుదలైన 3 పాటలు కూడా ప్రేక్షకుల నుండి మంచి మార్కులు వేయించుకున్నాయి. దీంతో ఓవర్సీస్ అడ్వాన్స్ బుకింగ్స్ లో సత్తా చాటింది ‘దేవర’.

Devara

రిలీజ్ కి 18 రోజులు ఉండగానే 1 మిలియన్ కొట్టేసి అందరినీ ఆశ్చర్యపరిచింది. అయితే ఆ తర్వాత ‘దేవర’ రిలీజ్ అయ్యింది. దానికి కొంత నెగిటివ్ రెస్పాన్స్ వచ్చింది. సోషల్ మీడియాలో అయితే ‘దేవర’ పై కొంచెం ఎక్కువ ట్రోలింగ్ జరుగుతుందని కూడా చెప్పాలి. సరే పెద్ద హీరో సినిమాకి ట్రోలింగ్ కామన్ అని సరిపెట్టుకోవచ్చు.

కానీ.. పెద్ద హీరో సినిమా ట్రైలర్ రిలీజ్ అయ్యింది అంటే.. అడ్వాన్స్ బుకింగ్స్ పెరగాలి. ‘దేవర’ విషయంలో మాత్రం అలా జరగలేదు. ట్రైలర్ రిలీజ్ తర్వాత బుకింగ్స్ తగ్గాయి. ఇది వాస్తవం. మరోపక్క ముందుగా జరిగిన అడ్వాన్స్ బుకింగ్స్ పై కూడా కొందరు అనుమానాలు వ్యక్తం చేస్తున్నారు. మూవీ టీం వాళ్లే బల్క్ లో… బుకింగ్స్ చేసుకున్నట్టు కొందరు ఆరోపిస్తున్నారు.

అలాంటివి పక్కన పెట్టేసినా.. ట్రైలర్ అయితే పెద్దగా ఇంపాక్ట్ క్రియేట్ చేయలేకపోయింది అనేది మాత్రం అందరం ఒప్పుకోవాల్సిందే. రిలీజ్ కి ఇంకో 2 వారాలు టైం ఉంది కాబట్టి.. ఇంకో ట్రైలర్ మంచిగా కట్ చేసి రిలీజ్ చేస్తే..హైప్ పెరగవచ్చు. లేదు అంటే కష్టమే..!