మహేష్ బాబు – త్రివిక్రమ్‌ సినిమా పురిటి నొప్పులు ఇంకా కొనసాగుతున్నాయి. ఎప్పుడో అనుకుని, ఎప్పుడో ప్రారంభించి.. ఇప్పటికీ ఓ లెవల్‌కి రాలేదు ఆ సినిమా. కొబ్బరికాయ నుండి షూటింగ్‌ వరకు, పేరు నుండి పోస్టర్‌ వరకు ఇలా అన్నింటా వాయిదాల పర్వం కొనసాగుతూనే ఉంది. తాజాగా సినిమా ఫస్ట్ సింగిల్‌ విషయంలోనూ ఇదే జరుగుతోంది. ఇదిగో అదిగో అంటూ గత కొన్ని రోజులుగా వాయిదా పడుతున్న సాంగ్ రిలీజ్‌కి ఇప్పుడు కొత్త డేట్‌ వచ్చింది. అవును, ఈ సారి పండగను టార్గెట్ చేసుకున్నారు.
‘గుంటూరు కారం’ సినిమా సాంగ్ కోసం ఫ్యాన్స్‌ ఆతృతగా ఎదురుచూస్తున్నారు. ఇప్పటికే సంగీత దర్శకుడు తమన్ రెండు సాంగ్స్ రెడీ చేశారని టాక్. అందులో ఓ సాంగ్ ప్రోమో కూడా ఉందట. అంతా అనుకున్నట్టు జరిగితే ఆ ప్రోమోను మహేష్ పుట్టిన రోజునాడు రిలీజ్ చేద్దామని అనుకున్నారు. ఈ మేరకు అధికారిక అనధికార లీక్‌లు కొన్ని బయటకు వచ్చాయి. అయితే ఓ బలమైన కారణం వల్ల ఆ అప్‌డేట్‌ ప్రేక్షకుల మధ్యలోకి రాలేదు. అయితే ఆగస్టు 15 కోసం ఆపేశారు అనే మాట కూడా వినిపించంది.
తాజాగా ఆ డేట్‌ను వినాయకచవితికి మార్చేశారు అని అంటున్నారు. సెప్టెంబరు 18న ఈ మేరకు సినిమా నుండి ఫస్ట్ సింగిల్‌ రావొచ్చు అని సమాచారం. అది కూడా మహేష్ బాబు ఓకే చేస్తేనే అంటున్నారు. చాలా రోజులుగా ఈ విషయం వల్లే పాట రిలీజ్ ఆలస్యం అవుతోంది అంటున్నారు. అయితే మహేష్ ఇన్నాళ్లు ఎందుకు పాట ఓకే చేయడం లేదు, పాటే ఓకే చేయలేదా, పాటను సర్వపరచిని వ్యక్తే నచ్చలేదా అనేది తెలియడం లేదు.
ఈ మేరకు తమన్‌కు, మహేష్‌కు (Mahesh Babu) మధ్య ఏదో ఇబ్బంది ఉందని గతంలో వార్తలు వచ్చిన విషయం తెలిసిందే. ఈ సినిమాను వచ్చే సంక్రాంతి సీజన్‌లో తీసుకొస్తామని గతంలో ప్రకటించారు. అయితే సినిమా షూటింగ్‌ ఆగి, ఆగి సాగుతుండటంతో వస్తుందా లేదా అనే డౌట్‌ ఉంది. కానీ మొన్నీమధ్య పుట్టిన రోజు పోస్టర్‌లో సంక్రాంతి రిలీజ్ అని రాశారు. కాబట్టి క్లారిటీ ఇచ్చారు. ఇప్పుడు పాట క్లారిటీ రావాలి.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
