తెలుగు చిత్ర పరిశ్రమలో అత్యధిక కలక్షన్స్ సాధించిన మూవీగా బాహుబలి ఉంది. ఆ చిత్రాన్ని పక్కన పెడితే ఖైదీ నంబర్ 150 మూవీ రానంతవరకు సూపర్ స్టార్ మహేష్ బాబు శ్రీమంతుడు సినిమా నంబర్ వన్ ప్లేస్ లో ఉన్నింది. కొరటాల శివ దర్శకత్వంలో వచ్చిన ఈ ఫిల్మ్ 85 కోట్ల షేర్ వసూలు చేసి ప్రిన్స్ సత్తాని చాటింది. సంక్రాంతికి వచ్చిన మెగాస్టార్ చిరంజీవి మూవీ ఈ రికార్డును బద్దలు కొట్టింది. ఖైదీ నంబర్ 150 మూవీ 102 కోట్ల షేర్ తో బాహుబలి తర్వాతి స్థానాన్ని సొంతం చేసుకుంది. ఈ రికార్డును మహేష్ బీట్ చేస్తాడని అభిమానులు చెబుతున్నారు. ప్రస్తుతం మురుగదాస్ దర్శకత్వంలో ప్రిన్స్ ద్విభాషా చిత్రాన్ని చేస్తున్నారు.
వంద కోట్లతో తెరకెక్కుతోన్న ఈ మూవీ చిత్రీకరణ చివరి దశకు చేరుకుంది. సంభవామి అనే టైటిల్ పరిశీలిస్తున్న ఈ ఫిల్మ్ మొదటి కాపీ రాక ముందే 150 కోట్ల ప్రీ బిజినెస్ చేసిందని మహేష్ ఫ్యాన్స్ చెబుతున్నారు. తెలుగు, తమిళంతో పాటు హిందీలోనూ రిలీజ్ కానున్న ఈ మూవీ 300 కోట్లు వసూలు చేస్తుందని ధీమా వ్యక్తం చేస్తున్నారు. ఈ సినిమాతో అవలీలగా చిరు రికార్డులను మహేష్ చిత్తు చేస్తాడని అంటున్నారు.
Also, do SUBSCRIBE to our YouTube channel to get latest Tollywood updates.
