అఖిల్ నాలుగో సినిమా ఊసులు పెద్దగా వినిపించని సమయంలో… ఐదో సినిమాకు సంబంధించిన వార్తలు ఒక్కొక్కటిగా వస్తున్నాయి. సురేందర్‌ రెడ్డి దర్శకత్వంలో అఖిల్ తన ఐదో సినిమా చేస్తున్న విషయం తెలిసిందే. ఇప్పుడు ఈ సినిమా గురించే కొత్త వార్తలు బయటకు వచ్చాయి. ఇప్పటివరకు వచ్చిన వార్తల అన్నింటికంటే… ఇదే పెద్ద న్యూస్‌ అని కూడా చెప్పొచ్చు. స్పై థ్రిల్లర్‌గా రూపొందుతున్న ఈ సినిమాలో కీలక పాత్ర కోసం మోహన్‌లాల్‌ను సంప్రదించారట.
మలయాళంలో కథానాయకుడిగా నటిస్తూనే, ఇతర భాషల్లోని చిత్రాల్లో కీలక పాత్రలు పోషిస్తూ మెప్పిన్నారు మోహన్‌లాల్‌. ‘దృశ్యం 2’తో రీసెంట్‌గా హిట్‌ కొట్టిన మోహన్‌లాల్‌ను సురేందర్‌ రెడ్డి టీమ్ కాంటాక్ట్‌ అయ్యిందట. అఖిల్ కథానాయకుడిగా సురేందర్‌రెడ్డి దర్శకత్వంలో తెరకెక్కనున్న సినిమాలో నటించమని అడిగారట. సినిమా కథ కూడా చూచాయగా చెప్పారని సమాచారం. సినిమాలో నటించడానికి మోహన్‌లాల్‌ కూడా ఆసక్తిగా ఉన్నారని సమాచారం. అయితే దీనిపై అధికారిక సమాచారం లేదు.
అమెరికన్‌ యాక్షన్‌ థ్రిల్లర్‌ ‘ది బార్న్’ సిరీస్‌ స్ఫూర్తిగా ఈ చిత్రం రూపొందుతోందని వార్తలొస్తున్నాయి. త్వరలోనే సినిమా చిత్రీకరణ ప్రారంభం అవుతుంది. ఏకే ఎంటర్‌టైన్‌మెంట్‌ పతాకంపై అనిల్‌ సుంకర నిర్మిస్తున్నారు. ఈ చిత్రానికి సురేందర్‌రెడ్డి సహ నిర్మాత వ్యవహరిస్తారట. ప్రస్తుతం అఖిల్ … బొమ్మరిల్లు భాస్కర్ దర్శకత్వంలో తెరకెక్కతున్న ‘మోస్ట్ ఎలిజిబుల్ బ్యాచ్‌లర్‌’ నటిస్తున్నారు. పూజా హెగ్డే కథానాయిక. ఈ ఏడాది జూన్‌ 19న చిత్రాన్ని విడుదల చేస్తున్నారు.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
Home